(ខេត្តពោធិ៍សាត់)៖ នៅវេលាម៉ោង ១៤ និង២៥ នាទី ​ថ្ងៃទី ១៧ ខែមីនា ឆ្នាំ ២០២៣នេះ មានករណីគ្រោះថ្នាក់​បាក់ស្ពានដែក ​នៅក្នុងភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ ដែលបង្ករឡើងដោយរថយន្តចិនដឹកថ្មក្លាវ៉ែត បើកបរដោយបុរសឈ្មោះវី ប៊ុនធឿន អាយុ៣៧ឆ្នាំ មុខ កម្មករក្រុមហ៊ុន RB ធ្វើផ្លូវជាតិលេខ១០ថ្មី (គ្មានរបួស)។

បច្ចុប្បន្នក្រុមហ៊ុនRB កំពុងយករថយន្តស្ទូចមកស្ទូចរថយថាន្តបង្ករចេញពីស្ពាន ចំណែកឯការ​ធ្វើចរាចរណ៍គឺអាចធ្វើចរាចរណ៍បាននៅលើស្ពានថ្មកំពុងសាងសង់ប៉ុន្តែបានតែរថយន្តតូចនិងម៉ូតូតែប៉ុណ្ណះ៕