(ខេត្តព្រះសីហនុ)៖ រថយន្តកូរ៉េមួយគ្រឿង ធ្វើដំណើរពីខេត្ដកំពងសោមមកក្រុងភ្នំពេញ បានបុកគូទរថយន្តកុងតឺន័រមួយគ្រឿង កំពុងឈប់ខូចនៅលើថ្នល់ បណ្ដាលឱ្យខូចខាតក្បាលរថយន្ត កៀបជាប់អ្នកបើកបរ និងអ្នករួមដំណើរដោយរងរបួសធ្ងន់។

ករណីគ្រោះថ្នាក់ចរាចរណ៍នេះបានកើតឡើង នៅវេលាម៉ោង០៥និង១០នាទីព្រឹក ថ្ងៃទី២៨ ខែកក្កដា ឆ្នាំ២០២១នៅត្រង់ចំណុចផ្លូវជាតិលេខ០៤ ចន្លោះគីឡូម៉ែត្រ១៣២-១៣៣ ស្ថិតក្នុងភូមិសម្តេចតា ឃុំចម្ការហ្លួង ស្រុកកំពង់សីលា ខេត្តព្រះសីហនុ ។

ក្រោយពេលកើតហេតុ កម្លាំងសមត្ថកិច្ចជំនាញនៅក្នុងមូលដ្ឋាន បានចុះទៅដល់ចំណុចខាងលើ ដើម្បីជួយបញ្ជូនជនរងគ្រោះទៅព្យាបាល ៕