(ខេត្តបាត់ដំបង)៖ លោកឧត្តមសេនីយ៍ទោ សាត គឹមសាន ស្នង ការនៃ ស្នងការដ្ឋាននគរបាលខេត្តបាត់ដំបងុំក្រោយពីទទួលបញ្ជាឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង និងដោយមានការសម្របសម្រួលលើនីតិវិធីពីឯកឧត្តម គឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្តបាត់ដំបង បានចាត់តាំ ងឱ្យកងកម្លាំងនគរបាលនៃស្នងការដ្ឋានចូលរួម និងអនុវត្តការឃាត់ខ្លួន និងនាំខ្លួនអ្នកប្រព្រឹត្តិល្បែងស៊ីសង(ភ្នាល់ជល់មាន់តាមអនឡាញ)ចំនួនម១៧នាក់ នៅទីតាំងស្ថិតនៅ ភូមិចំការសំរោង២ សង្កាត់ចំការសំរោង ក្រុងបាត់ដំបង កាលពីថ្ងៃទី ០២ ខែឧសភា ឆ្នាំ ២០២១ នេះ។
នៅក្នុងប្រតិបត្តិការចុះឃាត់ខ្លួនអ្នកលេងល្បែងខាងលើនេះសមត្ថកិច្ចបានដកហូតវត្ថុតាងរួមមាន៖
-ទូរទស្សន៍ LCD ម៉ាក Samsung ពណ៌ខ្មៅ ០១ គ្រឿង
-ឧបករណ៍ផ្ទុកទិន្នន័យកាមេរ៉ាសុវត្ថិភាព០២គ្រឿង
-រថយន្ត ចំនួន ០១ គ្រឿង
-ម៉ូតូ ចំនួន ០៥ គ្រឿង
-តុ ចំនួន ០២
-កៅអី មួយចំនួន
-កង្ហារ ០១ គ្រឿង
ក្រោយពេលឃាត់ខ្លួន សមត្ថកិច្ចបាននាំពួកគាត់មកកាន់ស្នងការដ្ឋានធ្វើការសាកសួរ ហើយបច្ចុប្បន្នការិយាល័យជំនាញកំពុងរៀបចំកសាងសំណុំរឿងដើម្បីបញ្ជូនអ្នកប្រព្រឹត្តិនិងវត្ថុតាងទៅកាន់សាលាដំបូងខេត្តបាត់ដំបងចាត់ការតាមផ្លូវច្បាប់៕ (រូបភាពនគរបាល/Lay )By kosal!០៣/ឧសភា/២០២១
