(ខេត្តកំពង់ស្ពឺ)៖ បុរសម្នាក់ ធ្លាប់ជាប់គុក២ដងមកហើយរយៈពេល១២ឆ្នាំ ពីបទលួច លុះចេញមកវិញមិនរាងចាល បានធ្វើសកម្មភាព គាស់លួស សំណាញ់ដែកលួចទ្រព្យសម្បត្តិគេម្តងទៀត ហើយត្រូវសមត្ថកិច្ចក្របួចជាប់កាលពីវេលាម៉ោង៣ទៀបភ្លឺ ថ្ងៃទី២ ខែមីនា ឆ្នាំ២០២១ នៅចំណុចភូមិពាណិជ្ជកម្ម សង្កាត់រកាធំ ក្រុងច្បារមន ខេត្តកំពង់ស្ពឺ ។
សមត្ថកិច្ចបានឱ្យដឹងថា ក្រោយពីជនរងគ្រោះបានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលរកាធំ កម្លាំងសមត្ថកិច្ចបានសហការជាមួយជំនាញនគរបាលយុត្តិធម៌ក្រុងច្បារមន ធ្វើការស្រាវជ្រាវ ឃាត់មុខសញ្ញាសង្ស័យឈ្មោះ កែវ ឈឺ ភេទប្រុស អាយុ៣៤ឆ្នាំ នៅភូមិក្រាំងពលទេព សង្កាត់រកាធំ ជាមុខសញ្ញាចាស់ ធ្លាប់ជាប់ពន្ធនាគារចំនួន២ដងរួចមកហើយ ពីបទលួច។
ក្រោយពីសាកសួរជនសង្ស័យបានសារភាពថា
ខ្លួនបានលួចម៉ូតូ១គ្រឿងម៉ាក HONDA C-125 ពណ៌ខ្មៅ ស៊េរី២០១៤ ពាក់ផ្លាកលេខកំពង់ស្ពឺ 1G7224 ដែលជយកមកលាក់ទុក នៅក្នុងព្រៃក្បែរថ្នល់រទេះភ្លើង ក្រោយដីឡូត៍ ឈួន គឹមសាន ។
សមត្ថកិច្ច បានកសាងសុំណុំរឿង ចាត់ការតាមនីតីវិធី ៕
