(ខេត្តព្រៃវែង)៖ ជនសង្ស័យ ២នាក់ ត្រូវកងរាជអាវុធហត្ថខេត្តព្រៃវែងឃាត់ខ្លួន បន្ទាប់ពីឆែកឆេរឃើញសារធាតុញៀន និងឧបករណ៍ប្រើប្រាស់មួយចំនួន។ ការឃាត់ខ្លួននេះធ្វើឡើងកាលពីវេលាម៉ោង ១៨ និង៤៧នាទី ថ្ងៃទី១២ ខែកុម្ភៈ ឆ្នាំ២០២១ នៅចំណុចភូមិឯការាម សង្កាត់ជើងទឹក ក្រុងព្រៃវែង ខេត្តព្រៃវែង។
ជនសង្ស័យ២នាក់ត្រូវឃាត់ខ្លួន មានឈ្មោះ
១-ជ័យ សំបូរ ភេទប្រុស អាយុ២៨ឆ្នាំ រស់នៅភូមិលេខ៨ សង្កាត់កំពង់លាវ ក្រុងព្រៃវែង ខេត្តព្រៃវែង ។ ២-ឈ្មោះ យាន ស្រីុ ភេទប្រុស អាយុ៤២ឆ្នាំ រស់នៅភូមិភ្លយ សង្កាត់តាកោ ក្រុងព្រៃវែង ។
ជាមួយគ្នានោះសមត្ថកិច្ចចាប់យកវត្ថុតាងរួមមាន ៖ ម្សៅក្រាមពណ៌សចំនួន២៦កញ្ចប់ទម្ងន់៦៨,០៩ក្រាមថ្លឹងទាំងសំបកថង់,
ទូរស័ព្ទដៃចំនួន៣គ្រឿង, ម៉ូតូចំនួន១គ្រឿង,រថយន្តកាមរីបាឡែន១គ្រឿង, ថង់សម្រាប់ច្រកថ្នាំញៀន១២ដុំ, ទុយយោសម្រាប់រំលែកថ្នាំចំនួន៣, ឧបករណ៍សម្រាប់ប្រើប្រាស់ថ្នាំញៀន១សម្រាប់។
ជនសង្ស័យទាំង២នាក់រួមនិឹង វត្ថុតាងត្រូវបាននាំខ្លួនទៅទីបញ្ជាការកងរាជអាវុធខេត្តព្រៃវែងដើម្បីបន្តនិីតិវិធី ៕
