(ភ្នំពេញ)៖ នារីម្នាក់ បានចេញពីធ្វើការ រួចហៅម៉ូតូកង់បី (PassApp) ជិះត្រឡប់ទៅផ្ទះវិញ ហើយនៅតាមផ្លូវ ត្រង់កន្លែងស្ងាត់ អ្នកបើកម៉ូតូកង់បីយកលេសចុះនោមហើយបានដកកាំបិតចុងស្រួច ភ្ជង់ប្លន់យកកាបូបស្ពាយ រួចបើកគេចបាត់ស្រមោល។ ហេតុការណ៍នេះ បានកើតឡើង កាលពីវេលាម៉ោងជាង ១០ យប់ថ្ងៃអាទិត្យ ទី៧ ខែកុម្ភៈ ឆ្នាំ២០២១ ស្ថិតតាមបណ្ដោយផ្លូវ R6 ជិតផ្លូវរថភ្លើង ក្នុងសង្កាត់ស្រះចក ខណ្ឌដូនពេញ។
នារីរងគ្រោះ សុំមិនបញ្ចេញឈ្មោះ បានរៀបរាប់ ទាំងទឹកភ្នែកថាៈ មុនពេលកើតហេតុ នាងបានចេញពីធ្វើការ នៅច្ច្បារអំពៅើយបានហៅម៉ូតូកង់បី ជិះ ក្នុងគោលបំណងទៅ ផ្ទះម្ដាយមីង នៅខាងក្រោយ មន្ទីរពេទ្យកាល់ម៉ែត។ នៅពេលធ្វើដំណើរ មកដល់ចំណុច កើតហេតុ ខាងលើ ស្ស្រាប់តែអ្នកបើកម៉ូតូកង់បី យកលេសឈប់ បត់ជើងតូច រួចហើយក៏បានដកកាំបិតចុងស្រួច មកភ្ជង់នាង គំរាមយកកាបូបស្ពាយ ដែលមានសម្ភារៈមួយចំនួន និងលុយចំនួន ២១០ ដុល្លារ ហើយដេញនាងឲ្យចុះរួចបើក ម៉ូតូកង់បី គេចខ្លួនបាត់។
ក្រោយពេលកើតហេតុ ទើបសមត្ថកិច្ចមូលដ្ឋាន បានចុះមកចំណុចកើតហេតុ ហើយបានដឹកជនរងគ្រោះ ទៅកាន់ប៉ុស្តិ៍រដ្ឋបាលស្រះចក ដើដើម្បឱ្យនារីរងគ្រោះ ដាក់ពាក្យបណ្ដឹង និងកំណត់មុខសញ្ញាតាមចាប់ជនសង្ស័យយកមកផ្ដន្ទាទោសតាមច្បាប់៕
