(ភ្នំពេញ)៖ រថយន្តដឹកស៊ីម៉ង់ត៍បើកឡើងវ៉ាជែងរថយន្តនៅពីមុខ ជ្រែកចូលចំងាយផ្លូវម្ខាងទៀយ ហើយវ៉ាក់អើរថយន្តនិងម៉ូតូមកចំពីមុខក៏បួងចង្កូតគេចរហូតធ្លាក់ប្រឡាយទឹកស្អុយ។ ហេតុការណ៍នេះបានកេីតឡេីងនៅវេលាម៉ោង១១ និង២០នាទី ព្រឹកថ្ងៃទី១៨ ខែធ្នូ ឆ្នាំ២០២០ នៅតាមបណ្តោយផ្លូវ៣០ម៉ែត្រ ក្នុងសង្កាត់ព្រៃស ខណ្ឌដង្កោ។
តាមប្រភពព័ត៌មានពីកន្លែងកេីតហេតុបានឱ្យដឹងថា គេបានឃេីញរថយន្តធុនធំដឹកស៊ីម៉ងត៍របស់ក្រុមហ៊ុនCIMC ពណ៌ស ពាក់ស្លាកលេខភ្នំពេញ4A-8807 បេីកបរតាមបណ្តោយផ្លូវ៣០ម៉ែត្រ ក្នុងទិសដៅពីលិចទៅកេីត ក្នុងល្បឿនលឿន ខណៈមកដល់ចំណុចកេីតហេតុក៏បានបើកវ៉ាជែងរថយន្តធុនធំនៅខាងមុខចូលចំណីផ្លូវនៅខាងទៀត ហើយខណៈនោះមានរថយន្ត និងម៉ូតូមកពីខាងមុខ ទេីបរថយន្តដឹកសុីម៉ងត៍នោះខំប្រឹងបើកគេចរហូតជ្រុលទៅធ្លាក់ក្នុងប្រឡាយទឹកស្អុយ ប៉ុន្តែសំណាងដែរដែលមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះមកដល់ តែដោយសារមិនមានមនុស្សរងរបួស និងខូចខាតទ្រព្យសម្បត្តិអ្នកដទៃទេីបឱ្យម្ចាស់ស្ទូចយកទៅជួសជុលដោយខ្លួនឯង៕
