(ភ្នំពេញ)៖ បុរសម្នាក់ខណៈកំពុងជិះម៉ូតូ ត្រូវរថយន្តបែនដឹកថ្មបុកពីក្រោយពេញទំហឹង ហើយកិន បែកខ្ទេចសាកសពស្លាប់យ៉ាងរន្ធត់ ហើយរថយន្តព្យាយាមបើករត់ តែត្រូវបងប្អូនជាពលរដ្ឋដេញចាប់បានមកវិញ រួចប្រគល់ឱ្យសមត្ថកិច្ច។ ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១០ និង៤៥ នាទីយប់ថ្ងៃទី១៧ ខែមករា ឆ្នាំ២០២០ នៅចំណុចមុខផ្សារស្ទឹងមានជ័យចាស់ តាមបណ្ដោយផ្លូវ ២១៧ ក្នុងសង្កាត់ស្ទឹងមានជ័យទី២ ខណ្ឌមានជ័យ។ សពជនរងគ្រោះមិនស្គាល់អត្តសញ្ញាណនៅឡើណនៅឡើយនោះទេ។
ប្រភពអ្នកនៅកន្លែងកើតហេតុបានឲ្យដឹងថា មុនកើតហេតុគេឃើញបុរសម្នាក់ជិះម៉ូតូ កូនទា មួយគ្រឿងពណ៌ផ្កាឈូកលាយស ពាក់ផ្លាកលេខភ្នំពេញ 1GV-0473 ធ្វើដំណើរតាមមិនដោយផ្លូវ២១៧ ទិសដៅពីលិចទៅកើត។ លុះមកដល់ចំណុចកើតហេតុខាងលើ ក៏មានរថយន្តបែនដឹកថ្មមួយគ្រឿង ក្បាលពណ៌ស ពាក់ផ្លាកលេខព្រះសីហនុ 3A- 2810 បើកបរដោយបុរសម្នាក់ទិសដៅស្របគ្នាមកពីក្រោយ ជ្រុលទៅបុកម៉ូតូបណ្ដាលដួលទៅនឹងថ្នល់ ចំចំណែកជនរងគ្រោះខ្ទាតទៅចូលកង់រថយន្តខាងក្រោយផ្នែកខាងស្ដាំ រួរួចកិនពីលើ បណ្ដាលឱ្យស្លាប់យ៉ាងរន្ធត់។
ប្រភពបន្តថា ចំណែករថយន្តបង្កព្យាយាមបើករត់មកដល់មកដល់់ចំណុចមុខវត្តស្ទឹងមានជ័យ ត្រូវបានបងប្អូនប្រជាពលរដ្ឋឃើញហេតុការណ៍នេះ ក៏បាននាំគ្នាជួយដេញចាប់បានរថយន្ត និងអ្នកបើកបរ រួចទរួចទៅប្រលគល់ឱ្យសមត្ថកិច្ចនាំខ្លួនយកទៅប៉ុស្តិ៍នគរបាលស្ទឹងមានជ័យទី២ ដើម្បីសួរនាំ។ អ្នកបើកបររថយន្តមានឈ្មោះ តែម ពិសិទ្ធិ អាយុ២៧ឆ្នាំ ស្រុកកំណើត និងស្នាក់នៅបច្ចុប្បន្ននៅសង្កាត់សំរោង ខណ្ឌព្រែកភ្នៅ បច្ចុប្បន្នបើករថយន្តឲ្យក្រុមហ៊ុនទ្រីស៊មី។
ក្រោយកើតហេតុ សមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយកម៉ូតូ និងរថយន្ត ទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ រង់ចាំធ្វើការដោះស្រាយគ្នានៅពេលក្រោយ។ ដោយឡែកសពជនរងគ្រោះសមត្ថកិច្ចធ្វើកំណត់ហេតុ និងយកដំកល់ទុកនៅវត្ថទឹកថ្លា ដើម្បីស្រាវជ្រាវរកសាច់ញាតិមកទទួលយកទៅធ្វើបុណ្យ៕
