(ខេត្តព្រះសីហនុ)៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានថ្លែងឲ្យដឹងថា ក្រោយពីផ្អាកការធ្វើចរាចរណ៍កាលពីម្សិលមិញ នៅកំណាត់ ផ្លូវជាតិលេខ៤ ត្រង់ចំណុចស្ពានសំរោង ចន្លោះគីឡូម៉ែត្រលេខ១១៥-១១៦ ស្ថិតក្នុងស្រុកកំពង់សីលា ខេត្តព្រះសីហនុ នៅព្រឹកនេះថ្ងៃទី០៥ ខែកញ្ញា ឆ្នាំ២០១៩នេះ អាជ្ញាធរបានបើកឱ្យរថយន្តគ្រប់ប្រភេទធ្វើចរាចរណ៍ឡើងវិញហើយ ដោយសារទឹកស្រកចុះ។

បើតាមលោកឧត្តមសេនីយ៍ស្នងការ គិតត្រឹមព្រឹកនេះ ទឹកនៅចំណុចស្ពានសំរោង មានកម្ពស់៥.៧០ម៉ែត្រ ខណៈកម្រិតប្រកាសអាសន្ន មានកម្ពស់៥.៨០ម៉ែត្រ៕