(ភ្នំពេញ)៖ បុរសជនជាតិចិនម្នាក់បេីករថយន្ត និងមានអ្នករួមដំណេីរជាមួយបុរសជនជាតិចិន៣នាក់ទៀត ក្នុងល្បឿនលឿន និងបំពានភ្លេីងស្តុប បានទៅបុករថយន្តឡិចស៊ីស RX300 មួយគ្រឿងធ្វើឱ្យក្រឡាប់ផ្ងាជេីង បន្តទៅបុកម៉ូតូស្មាស់រេវ៉ូ១គ្រឿងទៀតរងរបួសធ្ងន់២នាក់។
ករណីគ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង៩ និង៥០នាទីយប់ថ្ងៃទី២ ខែសីហា ឆ្នាំ២០២០ នៅតាមបណ្តោយផ្លូវព្រះនរោត្តម កែងផ្លូវលេខ២១៤ ស្ថិតក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ។
សមត្ថកិច្ចបានឲ៊ឱ្យដឹងថា រថយន្តមួយគ្រឿងម៉ាកឡិចស៊ីស RX300 ពណ៌ស ពាក់ស្លាកលេខភ្នំពេញ2AZ- 9881 ធ្វេីដំណេីរតាមបណ្តោយផ្លូវព្រះនរោត្តម ក្នុងទិសដៅពីត្បូងទៅជេីង មកដល់ចំណុចស្តុុបកេីតហេតុដោយភ្លេីងពណ៌ខៀវក៏បន្តដំណេីរទៅមុខ ភ្លាមនោះស្រាប់តែមានរថយន្តស៊េរីទំនេីបម៉ាកម៉េកសឺដេស ពណ៌ស ពាក់ស្លាកលេខភ្នំពេញ2AX-0088 បេីកបរដោយបុរសជនជាតិចិនម្នាក់រួមដំណើរបុរសជនជាតិចិន៣នាក់ បេីកបរតាមបណ្តោយផ្លូវលេខ២១៤ ក្នុងទិសដៅពីលិចទៅកេីតក្នុងល្បឿនលឿនដោយបំពានភ្លេីងស្តុប ក៏បុករថយន្តឡិចស៊ីសពីចំហៀងពេញទំហឹង ធ្វេីឱ្យរថយន្តឡិចស៊ីសជ្រុល ទៅបុកម៉ូតូស្មាស់រេវ៉ូ ពណ៌ខ្មៅ ពាក់ស្លាកលេខកណ្តាល1G- 6270 ជិះគ្នា២នាក់ បណ្តាលឱ្យរងរបួសធ្ងន់។ ហេីយរថយន្តឡិចស៊ីសក៏ក្រឡាប់ផ្ងារជេីង។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីពេទ្យភ្លាមៗចំណែករថយន្តទាំង២គ្រឿង និងម៉ូតូត្រូវបានសមត្ថកិច្ចធ្វេីការវាស់វែងស្ទូចយកទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញដេីម្បីរងចាំដោះស្រាយតាមច្បាប់៕
