(ភ្នំពេញ) ៖ លោក លឹម ជាឡាយ ដែលជាតារាសម្ដែង បានបើករថយន្តម៉ាក Lexlis RX400h ពណ៌ស ពាក់ស្លាកលេខ កណ្ដាល 2B-0018 ជ្រុលចង្កូតទៅបុកជញ្ជាំងផ្ទះប្រជាពលរដ្ឋរួមនឹងបង្គោលភ្លើងរងការខូចខាតផ្នែកខាងមុខរថយន្តកាលពីវេលាម៉ោង១១ និង៤០នាទីយប់ ថ្ងៃទី២៩ ខែកក្កដា ឆ្នាំ២០២០ នៅតាមបណ្ដោយផ្លូវ២០០២ ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ ។
លោក លឹម ជាឡាយ បានធ្វើដំណើរតាម បណ្ដោយផ្លូវ២០០២ ទិសដៅពីកើតមកលិច លុះមកដល់កន្លែងកើតហេតុ ដោយសង្ស័យរូប គាត់ស្រវឹងស្រាក៏រេចង្កូតទៅបុកនឹងជញ្ជាំងផ្ទះប្រជាពលរដ្ឋ រួមនិងបង្គោលភ្លើងរងការខូច ខាតតិច តួចប៉ុណ្ណោះ ក៏ប៉ុន្តែរថយន្តបង្កវិញបានរងការខូចខាតផ្នែកខាងមុខយ៉ាងដំណំ សំណាងល្អដែរដែលមិនធ្វើឱ្យតារាសម្ដែង និងប្រជាពលរដ្ឋណាម្នាក់រងរបួស ។
សមត្ថកិច្ចមូលដ្ឋានបានចុះមកដល់កន្លែងកើតហេតុដែរ តែដោយពិនិត្យស្ថានភាពត្រង់ចំណុចដែលរថយន្តបង្កបានបុក គឺមិនខូចខាតធ្ងន់ធ្ងរ ទើបសម្រេចចិត្តប្រគល់រថយន្តបង្កឱ្យទៅម្ចាស់អូសយកទៅជួសជុល៕
