(ភ្នំពេញ) ៖ បុរសម្នាក់ជិះម៉ូតូចេញពីផឹកស៊ីនៅផ្ទះបងប្អូនត្រឡប់ទៅផ្ទះវិញ មិនទាន់ដល់ផ្ទះផងត្រូវរថយន្តបុកស្លាប់នៅវេលាម៉ោង១១ និង៣០ នាទីយប់ថ្ងៃទី២៥ ខែកក្កដា ឆ្នាំ២០២០ នៅតាមផ្លូវបេតុងក្នុងភូមិកោះនរា សង្កាត់និរោធ ខណ្ឌច្បាអំពៅ។
សមត្ថកិច្ចមូលដ្ឋានបានឲ្យដឹងថា ជនរងគ្រោះមានឈ្មោះ សុខ លាង ភេទប្រុស អាយុ២៧ឆ្នាំ មុខរបរនៅផ្ទះ ស្នាក់នៅភូមិដើមស្លែង សង្កាត់ច្បារអំពៅទី២ ខណ្ឌច្បារអំពៅ។ ជនរងគ្រោះបានចេញពីហូបចុកក្នុងពិធីជប់លៀងនៅផ្ទះបងប្អូនត្រឡប់ទៅផ្ទះវិញជិះម៉ូតូម៉ាកធូដេ ពណ៌ស ពាក់ស្លាកលេខភ្នំពេញ1CN- 7532 ជិះតាមផ្លូវបេតុង ក្នុងទិសដៅពីជេីងទៅត្បូងគោលបំណងត្រឡប់ទៅផ្ទះវិញ តែអកុសលជនរងគ្រោះជិះម៉ូតូមកដល់ចំណុចកើត ហេតុសង្ស័យថាមានរថយន្តមិនស្គាល់ម៉ាកបុកពីក្រោយហើយបណ្ដាលឱ្យជនរងគ្រោះដួលបាក់កស្លាប់ភ្លាមៗតែម្ដង ហើយម៉ូតូមានស្នាមបែកបាក់នៅផ្នែកខាងក្រោយច្រេីន។
សមត្ថកិច្ចមូលដ្ឋានបានសហការជាមួយសមត្ថកិច្ចជំនាញចរាចរណ៍ខណ្ឌច្បាអំពៅ ចុះទៅដល់កន្លែងកើតហេតុធ្វើកំណត់ហេតុ ហេីយបានធ្វេីឯកសារប្រគល់សព និងម៉ូតូទៅឱ្យក្រុមគ្រួសារ ៕
