(ខេត្តត្បូងឃ្មុំ)៖ បុរសម្នាក់ធ្វើអត្តឃាត ដោយយកក្រមាមកចងកភ្ជាប់ និងមែកស្វាយចន្ទីកំពស់២ ,៥០ ម៉ែត្របណ្ដាលឱ្យស្លាប់បាត់បង់ជីវិត។ ករណីនេះបានកើតឡើងកាលពីវេលាម៉ោងប្រមាណ១១ និង ២៥នាទីថ្ងៃទី១៥ ខែកក្ដដា ឆ្នាំ២០២០ នៅចំណុចដីភូមិ របស់ឈ្មោះជឹម ស្រេង ស្ថិតនៅភូមិទួលកណ្ដោលត្បូង ឃុំជីគរ ស្រុកត្បូងឃ្មុំ ខេត្តត្បូងឃ្មុំ ។
សមត្ថកិច្ចបានឱ្យដឹងថា សពមានឈ្មោះ ងន់ ជី ភេទប្រុស អាយុ៣៧ ឆ្នាំជាតិខ្មែររស់នៅ ភូមិទួលកណ្ដោលត្បូង ឃុំជីគរ ស្រុកត្បូងឃ្មុំ ខេត្តត្បូងឃ្មុំ ។
សមត្ថកិច្ចបានបញ្ជាក់ថា បន្ទាប់ពីទទួលព័ត៌មាន ភ្លាមនៅថ្ងៃដដែល កម្លាំងជំនាញ នៃអធិការដ្ឋាននគរបាលស្រុកត្បូងឃ្មុំសហការជាមួយកម្លាំងប៉ុស្តិ៍នគរបាលរដ្ឋបាលជីគរ អាជ្ញាធរមូលដ្ឋាន និងគ្រូពេទ្យមណ្ឌលសុខភាពបានចុះមកដល់កន្លែងកើត ហេតុ ធ្វើការពិនិត្យស្រាវជ្រាវ និងពិនិត្យសព ជនរងគ្រោះ។
ក្រោយពីត្រួតពិនិត្យសមត្ថកិច្ចជំនាញបានសន្និដ្ឋានថាសពពិតជា បានស្លាប់ដោយសារធ្វើអត្តឃាត ចងក សម្លាប់ខ្លួនពិត ប្រាកដមែន ពុំមានពាក់ព័ន្ធនឹងបទល្មើសព្រហ្ម ទណ្ឌឡើយ។ សពត្រូវបានប្រគល់ជូនក្រុមគ្រួសារ និងសាច់ ញាតិធ្វើបុណ្យតាមប្រពៃណី៕
