(ខេត្តបាត់ដំបង)៖ រថយន្ដម៉ាក(ហ៊ីយានដាយ) បើកចុះផ្លូវចំណោទ ហើយស្របពេលមេឃកំពុងភ្លៀងខ្លាំង ជាន់ហ្វ្រាំងអត់ស៊ីក៏ជ្រុលទៅបុករថយន្តច្នៃបើកបញ្ច្រាសទិសគ្នាចំផ្នែកចំហៀង បណ្ដាលឱ្យអ្នកបើក បរគោយន្តកែច្នៃរងរបួសធ្ងន់បាក់ផ្លូវមួយចំហៀង។ ករណីគ្រោះថ្នាក់ចរាចរណ៍នេះបានកើតឡើងនៅវេលលាម៉ោង១២ និង៣០នាទីនៅចំណុចលើភ្នំព្រឹក ផ្លូវជាតិលេខ៥៩B ស្ថិតនៅភូមិថ្នល់បត់ ឃុំអូររំដួល ស្រុកភ្នំព្រឹក រវាងរថយន្តនិងរថយន្តច្នៃបានបុកគ្នាក្នុងទិសដៅទិសដៅបញ្ច្រាស់ទិសគ្នា។
សមត្ថកិច្ចបានឲ្យដឹងថា គ្រោះថ្នាក់ចរាចរណ៍នេះ បង្កដោយរថយន្ដម៉ាកហ៊ីយានដាយ(Hyundai) ពណ៌ស ពាក់ស្លាកលេខភ្នំពេញMC-០៤៦៣ បើកបរដោយឈ្មោះ សោ សកល ភេទប្រុស អាយុ៣០ឆ្នាំ រស់នៅភូមិប្រឡាយប្រាក់ ឃុំអង្គបាន ស្រុកសំពៅលូន ខេត្តបាត់ដំបង (គ្មានរបួស)បណ្តាលឲ្យបុកចំចំហៀងខាងឆ្វេងរថយន្តច្នៃ១គ្រឿង ពណ៌ខៀវខ្ចី (គ្មានស្លាកលេខ) បើកបរដោយឈ្មោះ មឿន ម៉ន ភេទប្រុស អាយុ២៥ឆ្នាំ រស់នៅភូមិទួលខ្ពស់ ឃុំភ្នំព្រឹក ស្រុកភ្នំព្រឹក ខេត្តបាត់ដំបងបណ្តាលឲ្យរបួសធ្ងន់បាក់ភ្លៅខាងឆ្វេង។
សមត្ថកិច្ចបញ្ជាក់បន្តថា មូលហេតុនៃការគ្រោះថ្នាក់ចរាចរណ៍ខាងលើនេះ ដោយភាគីរថយន្ដ (ហ៊ីយានដាយ) បើកចុះផ្លូវចំណោទ ហើយស្របមេឃកំពុងភ្លៀងខ្លាំងបណ្តាលឱ្យជាន់ហ្វ្រាំងអត់ស៊ីទើបបណ្តាលឲ្យជ្រុលទៅបុកចំហៀងរថយន្តច្នៃ។
បច្ចុប្បន្នជនរងគ្រោះបានដឹងបញ្ជូនទៅមន្ទីរពេទ្យបង្អែកស្រុកសំពៅលូន ចំណចំណែករថយន្តទាំងពីរនគរបាលចរាចរណ៍នៃអធិការស្រុកភ្នំព្រឹក យកមករក្សាទុកដើម្បីរង់ចាំដោះស្រាយពេលក្រោយ៕
