រថយន្តបាឡែនកំពុងតែបោះពួយក្នុងល្បឿនលឿនបែកកង់រេធ្លាក់ផ្លូវក្រឡាប់២-៣ត្រឡប់ ចូលក្នុងទឹក
(ខេត្តកំពង់ធំ)៖ បើករថយន្តលឿនពេកបែកកង់រេចង្កូតធ្លាក់ផ្លូវក្រឡាប់ពីរបីត្រឡប់ចូលទឹក កាលពីវេលាម៉ោង៣ និង៥៧នាទី ថ្ងៃទី២២ ខែមិថុនា ឆ្នាំ២០២០នេះ នៅតាមបណ្តោយផ្លូវជាតិលេខ៦A ស្ថិតនៅក្នុងភូមិបន្ទាយយោមរាជ ឃុំប្រាសាទ ស្រុកសន្ទុក ខេត្តកំពង់ធំ ។
រថយន្តបង្ករម៉ាកកាមរីបាឡែនពាក់ស្លាកលេខ ភ្នំពេញ 2K-7827 ធ្វើដំណើរតាមបណ្តោយផ្លូវជាតិលេខ៦A ដោយចេញពីខេត្តសៀមរាប ឆ្ពោះទៅខេត្តកំពង់ចាម អ្នកនៅក្នុងរថយន្តនោះ មានមនុស្ស ៣នាក់ ប៉ុន្តែមិនបណ្តាលឱ្យរងរបួសធ្ងន់នោះទេ ។
ក្រោយពេលកើតហេតុ នគរបាលប៉ុស្តិ៍រដ្ឋបាលប្រាសាទ បានសហការជាមួយកម្លាំងនគរបាលជំនាញចរាចរណ៍ស្រុកសន្ទុក ចុះទៅដល់ទីតាំងខាងលើ ដើម្បីពិនិត្យនៅកន្លែងកើតហេតុ ៕
Loading...
loading...
ចុច Like ជួយគាំទ្រ ខ្មែរអង្គរ
