ឃាត់ខ្លួនជនសង្ស័យ ជិះម៉ូតូធ្វើសកម្មភាពឆក់ទូរស័ព្ទ ពីក្មេងស្រីជិះកង់តាមផ្លូវ
(ភ្នំពេញ)៖ យុវជនម្នាក់ជិះម៉ូតូធ្វើសកម្មភាពឆក់ទូរស័ព្ទពីយុវតីដែលកំពុងជិះកង់ធ្វើដំណើរលើផ្លូវវេងស្រេង តែបានភ្លាត់ស្នៀតត្រូវបានប្រជាពលរដ្ឋចាប់បានប្រគល់ឱ្យសមត្ថកិច្ច។ ហេតុការណ៍នេះបានកើតឡើង នៅចំណុចផ្លូវវេងស្រេង សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ នៅល្ងាចថ្ងៃទី ១៨ ខែមិថុនា ឆ្នាំ២០២០ ។
សមត្ថកិច្ចបានឱ្យដឹងថា ជនសង្ស័យមានឈ្មោះជឿន ហុង ភេទប្រុស ជនជាតិខ្មែរ អាយុ១៨ឆ្នាំ រស់នៅម្តុំ ផ្លូវវេងស្រេងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
ប្រភពឱ្យដឹងទៀតថា ជនសង្ស័យបានជិះម៉ូតូម៉ាកHonDa ZooMer X ពណ៌ក្រហមស ឆ្នាំ2019 មានស្លាកលេខតាកែវ 1R- 7123 ធ្វើសកម្មភាពឆក់ទូរស័ព្ទពីយុវតីឈ្មោះ ណាង ស្រីពៅ ភេទស្រីអាយុ១៩ឆ្នាំ រស់ភូមិកើតហេតុខាងលើកំពុងតែជិះកង់ទិសដៅពីចោមចៅឆ្ពោះស្ទឹងមានជ័យ បង្កឲ្យមានការភ្ញាក់ផ្អើលប្រជាពលរដ្ឋក៏បានឃាត់ខ្លួនជនសង្ស័យ៕
Loading...
loading...
ចុច Like ជួយគាំទ្រ ខ្មែរអង្គរ
