(ភ្នំពេញ)៖ រថយន្តពីរគ្រឿងបើកក្នុងល្បឿនលឿនដល់ចំណុចផ្លូវបំបែកជាបួន ចង់ឈ្នះគ្នាបណ្តាលឱ្យបុកគ្នាពេញទំហឹង។ ហេតុការណ៍នេះកើតឡើងកាលពីវេលាម៉ោង ៨ព្រឹក ថ្ងៃទី១៧ ខែមិថុនា ឆ្នាំ២០២០ តាមបណ្តោយផ្លូវលេខ៦០៦ កែងផ្លូវលេខ៣០៧ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។
ប្រភពព័ត៌មាននៅកន្លែងកើតហេតុបានឱ្យដឹងថារថយន្ត១គ្រឿងម៉ាកស្តារេច ពណ៌ទឹកប្រាក់ ពាក់ស្លាកលេខ ភ្នំពេញ2AQ-7321 ធ្វើដំណើតាមបណ្តោយផ្លូវលេខ៦០៦ក្នុង ទិសដៅពីលិចទៅកើត ពេលមកដល់ផ្លូវបំបែកជាបួន កែងផ្លូវលេខ៣០៧ ស្រាប់តែមានរថយន្ត១គ្រឿង ម៉ាក ឡិចសុីស GS300 ពណ៌ខ្មៅ ពាក់ស្លាកលេខ ភ្នំពេញ 2G-3999 ធ្វើដំណើតាមបណ្តោយផ្លូវលេខ៣០៧ ក្នុងទិសដៅពីត្បូងទៅជើង គ្រានោះស្រាប់តែរថយន្តទាំងពីមកដល់ចំណុចផ្លូវបំបែកជាបួនដូចគ្នា ដោយអ្នកបើករថយន្តទាំងពីចង់ឈ្នះគ្នាបន្តទៅមុខរៀងខ្លូន ក៏បុកគ្នាពេញទំហឹង រួចចុះមកប្រកែកគ្នាយកត្រូវរៀងៗខ្លួន។
ក្រោយពេលកើតហេតុ កម្លាំងសមត្ថកិច្ចមូលដ្ឋាន រួមជាមួយកម្លាំងសមត្ថកិច្ចជំនាញបានចុះមកដល់ចំណុចកើតហេតុ និងធ្វើការវាស់វែង យករថយន្តទាំងពីទៅរក្សាទុកនៅការិយាល័យចរាចរណ៍ផ្លូវគោក រងចាំការដោះស្រាយនៅពេលក្រោយ៕
