ផ្លែគូលែន នាំចូលពីប្រទេសវៀតណាម តាមច្រកព្រែកចាក មន្ត្រីជំនាញបានរកឃើញ មានសំណល់ថ្នាំសម្លាប់សត្វល្អិត ហើយដកហូតយកទៅដុតកម្ទេចចោល!
(ខេត្តកំពត) នៅថ្ងៃពុធ ទី១៧ ខែមិថុនា ឆ្នាំ២០២០ នេះ មន្ត្រីសាខា ក.ប.ប ខេត្តកំពត-កែប ដោយមានការចូលរួមសហការជាមួយមន្ត្រីគយ និងអាជ្ញាធរដែនដី បានចុះត្រួតពិនិត្យផលិតផល បន្លែ ផ្លែឈើ នៅច្រកព្រែកចាក។
ជាលទ្ធផលមន្ត្រីជំនាញ បានរកឃើញសំណល់ថ្នាំសម្លាប់សត្វល្អិត លើផ្លែគូលែនជាច្រើនកេះ។មន្រ្តីជំនាញបានធ្វើកំណត់ហេតុដកហូតផលិតផលទាំងនោះ មកដុតកម្ទេចចោលដើម្បីជៀសវាងដល់អ្នកទិញយកទៅបរិភោគបង្កឱ្យពុលអាចប៉ះពាល់ដល់សុខភាព និងអាយុជីវិត។
ក្រោកពីដកហូត បានធ្វើការណែនាំដល់អាជីវករ ឱ្យយល់ដឹង និងអនុវត្តទៅតាមច្បាប់ ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា ជៀសវាងបង្កផលប៉ះពាល់ដល់សុខភាពប្រជាពលរដ្ឋ ក្រៅពីនេះអាចប្រឈមចំពោះមុខច្បាប់ថែមទៀត ៕
Loading...
loading...
ចុច Like ជួយគាំទ្រ ខ្មែរអង្គរ
