(ស្រុកស្រែអំបិល)៖ ម៉ូតូ ២គ្រឿងជិះទុយទៅគ្នាហើយបានបុកគ្នាពេញទំហឹងបណ្ដាលឱ្យរបួសស្រាល ៤នាក់និងធ្ងន់ ២នាក់។ ករណីគ្រោះថ្នាក់ចរាចរណ៍នេះបានកើតឡើងកាលពីវេលាវេលាម៉ោង ១២ និង១០ នាទី ថ្ងៃត្រង់នៅថ្ងៃទី៣០ ខែឧសភា ឆ្នាំ២០២០ នៅចំណុចផ្លូវ៤៨ ចន្លោះគីឡូម៉ែត្រ១៨ – ១៩ស្ថិតក្នុងភូមិតាធង ឃុំដងពែងស្រុក ស្រែអំបិល ខេត្តកោះកុង
សមត្ថកិច្ចបានឱ្យដឹងថា ម៉ូតូ Dream C 125 ពណ៌ខ្មៅ គ្មានស្លាកលេខ ជិះគ្នាចំនួន ០៤នាក់ (អត់ពាក់មួកសុវត្ថិភាព) បេីកបរដោយឈ្មោះ តេង ទី ភេទប្រុស អាយុ ២៧ឆ្នាំ (រងរបួសធ្ងន់) មានទីលំនៅភូមិជីខ ឃុំជីខលើ ស្រុកស្រែអំបិល ក្នុងទិសដៅពីកើតទៅលិច ចំណែកឯអ្នករួមដំណើរ ០៣ នាក់ទៀត មានម្នាក់រងរបួសធ្ងន់ ឈ្មោះ ប៉ុន ណួយ ភេទស្រី អាយុ២៥ឆ្នាំ ដោយបានបុកនឹងម៉ូតូ Race Sport ពណ៌ក្រហម ពាក់ស្លាកលេខ ភ.ព1F-4087 ជិះគ្នា ២នាក់ បើកបរដោយឈ្មោះ ទឹម សំអច ភេទប្រុស អាយុ ២៩ឆ្នាំ (រងរបួសស្រាល) មានទីលំនៅភូមិអណ្តូងទឹក ឃុំអណ្តូងទឹក សស្រុកបុទុមសាគរ ខេត្តកោះកុង និងអ្នករួមដំណើរ រងរបួសស្រាល។
ជនរងគ្រោះ ត្រូវបានសង្គ្រោះនាំយកទៅព្យាបាលនៅមន្ទីរពេទ្យបង្អែកស្រុកស្រែអំបិល។ ចំណែកវត្ថុតាងទាំងពីរ យកទៅរក្សាទុកនៅអធិការដ្ឋាននគរបាលស្រុកស្រែអំបិល ដើម្បីរងចាំភាគីទាំងសងខាងចូលខ្លួនមកដោះស្រាយ៕
