(ខេត្តបន្ទាយមានជ័យ)៖ រថយន្ត១គ្រឿងបើកបុកជាមួយម៉ូតូ១គ្រឿងបណ្ដាលឱ្យអ្នកបើករថយន្ដបែកភ្នែកមួយចំហៀង និងអ្នកជិះម៉ូតូ០៣នាក់បាក់ភ្លៅពីរនាក់ នឹងបាក់ស្មងម្នាក់ កាលពីល្ងាចថ្ងៃទី២៩ ខែឧសភា ឆ្នាំ២០២០ នៅលើផ្លូវខេត្តលេខ២៥៦៣ ចំណុចខាងកើតសាលាឆទានព្រៃវែង ស្ថិតក្នុងភូមិព្រៃវែង ឃុំ គំរូស្រុកថ្មពួក ខេត្តបន្ទាយមានជ័យ ។
ជនរងគ្រោះក្នុងហេតុការណ៍នោះមានចំនួន៤នាក់ សុទ្ធតែរបួសធ្ងន់ (ស្រី២នាក់)៖ ទី១.ឈ្មោះផុង រិនដា ភេទស្រី ជាអ្នកបើកបរថយន្តរបួសខ្វាក់ភ្នែកខាងឆ្វេង, ទី២.ឈ្មោះយ៉ស់ប៉ប់ ភេទប្រុស អាយុ២០ឆ្នាំ ជាអ្នកបើកបរម៉ូតូបាក់ភ្លៅខាឆ្វេង, ទី៣.ឈ្មោះឡាំ វ៉ុន ភេទស្រី អាយុ៦៣ឆ្នាំ ជាអ្នករួមដំណើរបាក់ស្មងជើងខាងស្ដាំ និងទី៤.ឈ្មោះ ម៉ាប់ សៀវមិញភេទប្រុស អាយុ៦ឆ្នាំ ជាអ្នករួមដំណើរបាក់ជើងឆ្វេង។ ចំចំពោះម៉ូតូខួចខាតទាំងស្រុង និងរថយន្តខូចខាតផ្នែកខាងមុខធ្ងន់។
ក្រោយកើតហេតុ ជនរងគ្រោះត្រូវនាននគរបាលចរាចរណ៍ផ្លូវគោកស្រុកថ្មពួកបានដឹកបញ្ជូនជនរងគ្រោះទៅសង្គ្រោះបន្ទាន់នៅមន្ទីរពេទ្យបង្អែកស្រុកថ្មពួក ៕
