(ខខេត្តតាកែវ) ៖ ក្រុមក្មេងទំនើងដែលតែងតែធ្វើសកម្មភាពយកដំថ្មគប់កញ្ចក់រថយន្តអ្នកដំណើរលើផ្លូវជាតិលេខ២ ក្នុងភូមិសាស្ត្រស្រុកបាទី ត្រូវបានសមត្ថកិច្ចស្រាវជ្រាវ និងឃាត់ខ្លួនបាន៥នាក់យកមកសួរនាំ ក្រោយក្រុមនេះ ធ្វើសកម្មភាពគប់ដំថ្មលើរថយន្តអ្នកដំណើរម្នាក់ កាលពីយប់ថ្ងៃទី២៨ ខែឧសភា ឆ្នាំ២០២០ នៅខាងជើងក្លោងទ្វាចូលរមណីយដ្ឋានភ្នំតាម៉ៅ លើដងផ្លូវជាតិលេខ២ ក្នុងឃុំកណ្តឹង ស្រុកបាទី ខេត្តតាកែវ ។
លោកអធិការនគរបាលស្រុកបាទីបានឱ្យដឹងថា ក្រោយមានក្រុមក្មេងទំនើងគប់កញ្ចក់រថយន្តអ្នកដំណើរ ម្ចាស់រថយន្តដែលរងគ្រោះបានសរសេរបង្ហោះលើបណ្តាញសង្គមហ្វេសប៊ុក សុំឱ្យប៉ូលិសស្រុកបាទីមានវិធានការណ៍ស្រាវជ្រាវឃាត់ខ្លួនក្រុមក្មេងទំនើងទាំងនោះ។ កម្លាំងជំនាញបានបើកកាស្រាវជ្រាវ រហូតដល់រសៀលថ្ងៃទី២៩ ខែឧសភា ឆ្នាំ២០២០ ប៉ូលិសស្រុកបាទីបានចាប់ឃាត់ខ្លួនអ្នកពាក់ព័ន្ធក្នុងករណីគប់កញ្ចក់រថយន្តអ្នកដំណើរនៅទីតាំងខាងលើបានចំនួន៥នាក់យកសួរនាំ ។
ក្រុមក្មេងទំនើងទាំង ៥ នាក់នោះ៖មានឈ្មោះ ៖ ទី១-ម៉េងង ឈីត ភេទប្រុស អាយុ១៨ឆ្នាំ, ទី២- ចិន លីហុង ភេទប្រុសអាយុ១៥ឆ្នាំ, ទី៣-ម៉េង ចាន់តារា ភេទប្រុសអាយុ១៧ឆ្នាំ ,ទី៤-គីម កកដ្ដា ភេទប្រុស អាយុ១៧ឆ្នាំ, ទី៥-ម៉េង សុធីវណ្ណ ភេទប្រុស អាយុ១៧ឆ្នាំ និងទី៦- ឈ្មោះថន ប៊ុនសារ៉ន ភេទប្រុស អាយុ១៧ឆ្នាំ រតរត់គេចខ្លួនបាត់។ អ្នកទាំង៦នាក់នេះរស់នៅភូមិឱភាសាំង ឃុំកណ្តឹង សស្រុកបាទី។
នៅចំពោះមុខនគរបាលក្រុមក្មេងទំនើងនោះបាននិយាយសារភាពថាពួកគេពិតជាតែងតែធ្វើសកម្មភាពពួនស្ទាក់គប់រថយន្ត ដែលធ្វើដំណើតាមផ្លូវជាតិលេខ២ពិតប្រាកដមែនហើយក្រុមក្មេងទំនើងដែលតែងមតែធ្វើសកម្មភាពគប់កញ្ចក់រថយន្តអ្នកដំណើរពេលយប់ទាំង៥នាក់ខាងលើ ត្រត្រូវបានបញ្ជូនបន្តមកកាន់ការិយាល័យព្រហ្មទណ្ទកំរិតស្រាលខេត្តដើម្បីចាត់ការបន្ត ។
លោកវរសេនីឯកយ៉ុង ញីវ នាយការិយាល័យព្រហ្មទណ្ទកំរិតស្រាលខេត្តបានឱ្យដឹងថា នៅពនៅពេលនេះនគរបាលជំនាញកំពុងតែកសាងសំណុំរឿងដើម្បីបញ្ជូនក្មេងស្ទាវទាំង៥នាក់រួមជាមួយវត្ថុតាងទៅកាន់សាលាដំបូងខេត្តដើម្បីចាត់ការទៅតាមច្បាប់់ ៕
