អ្នកនាំពាក្យក្រសួងធម្មការ អះអាងថា ករណី ព្រះសង្ឃ ឡុង ចន្ថា ឆាតញ៉ែស្រី ផ្អើលពេញបណ្តាញសង្គម Facebook បានបញ្ជូនទៅគណៈសង្ឃនាយក ដើដើម្បីពិនិត្យហើយ
(ភ្នំពេញ)៖ វីដេអូឃ្លីបមួយត្រូវបានគេបង្ហោះពេញបណ្តាញសង្គមហ្វេសប៊ុក បង្ហាញពីសកម្មភាពព្រះសង្ឃ ឡុង ចន្ថា ឆាតញ៉ែស្រី ផ្អើលពេញបណ្តាញសង្គម Facebook និង នាំឱ្យពុទ្ធបរិស័ទដែលគោរពប្រតិបត្តិតាមព្រះពុទ្ធសាសនា មានការខឹងសម្បារជាខ្លាំងចំពោះអំពើល្មើសនឹងបញ្ញត្តិនៃអ្នកសាងភ្នួស ។
បញ្ហានេះ លោក សេង សុមុនី អ្នកនាំពាក្យក្រសួងធម្មការនិងសាសនា ថ្លែងប្រាប់ នៅថ្ងៃទី២ ខែឧសភា ឆ្នាំ២០២០ នេះ ថា ករណីនេះ គឺ បានបញ្ជូនទៅគណៈសង្ឃនាយក ដើម្បីពិនិត្យហើយ ។ បើតាមលោក សេង សុមុនី គឺ ព្រះសង្ឃ ឡុង ចន្ថា ធ្លាប់ត្រូវបានទទួលលលិខិតព្រមានម្តងរួចមកហើយ ពីខាងក្រសួងធម្មការនិងសាសនា ពាក់ព័ន្ធការទេសនា បែរជាជេរបញ្ចោរ ។
ទន្ទឹមនេះ លោក សេង សុមុនី អះអាងថា លោកនឹងជំរុញករណីនេះ ទៅគណៈសង្ឃនាយក ដើម្បីមាននីតិវិធី ឱ្យបានឆាប់រហ័សលើ ព្រះសង្ឃ ឡុង ចន្ថា ៕
Loading...
loading...
ចុច Like ជួយគាំទ្រ ខ្មែរអង្គរ
