ក្រសួងសុខាភិបាលប្រកាសថា៖ ថ្ងៃនេះពុំមានករណីអ្នកឆ្លងcovid-19 ថ្មីទេ ហើយមានអ្នកជាសះស្បើយថ្មីចំនួន៥ទៀត ធ្វើឱ្យអ្នកជាសះស្បើយសរុបកើនដល់១០៣នាក់
(ភ្នំពេញ)៖ នៅថ្ងៃទី១៨ ខែមេសា ឆ្នាំ២០២០នេះក្រសួងសុខាភិបាល បានចេញប្រកាសថា គ្មានអ្នកឆ្លងជំងឺកូវីដថ្មីទេ ហើយមានជាសះស្បើយថ្មីចំនួន៥នាក់ទៀត ធ្វើឱ្យចំនួនអ្នកជាសះស្បើយកើនឡើងរហូតដល់ ១០៣នាក់ ។ ចំណែកអ្នកកំពុងសម្រាកព្យាបាលជំងឺកូវីដធ្លាក់ចុះមកត្រឹមចំនួន១៩នាក់ នៃអ្នកឆ្លងសរុប១២២នាក់។
ចំពោះករណីអ្នកជាសះស្បើយចំនួន៥នាក់រួមមាន៖
– ជនបរទេស៣នាក់ ដែលជាភ្ញៀវមកពីនាវា Viking Cruise Journey នៅខេត្តកំពង់ចាម ក្នុងនោះជនជាតិអាមេរិកាំង២នាក់ និងអង់គ្លេសម្នាក់។
– បុរសជនជាតិកាណាដាម្នាក់ អាយុ៤៩ឆ្នាំ បម្រើការងារនៅសាលាអន្តរជាតិមួយ នៅកោះពេជ្រ ស្នាក់នៅបុរីកោះពេជ្រ។
– បុរសជនជាតិខ្មែរម្នាក់ អាយុ៣៨ឆ្នាំ ដែលមានទីលំនៅភូមិពោធិ៍២ ឃុំគារ ស្រុមមោងប្ញស្សី ខេត្តបាត់ដំបង ត្រូវបានអនុញ្ញាតឲ្យចាកចេញពីមន្ទីរពេទ្យ ក្រោយពីពិនិត្យអវិជ្ជនៃជំងឺកូវីដ១៩ មានចំនួន២ដង៕
Loading...
loading...
ចុច Like ជួយគាំទ្រ ខ្មែរអង្គរ
