(ខេត្តបាត់ដំបង) ៖ រថយន្តស្តារិចបើកបោះពួយរាជចូលទៅគន្លងផ្លូវម្ខាងទៀតបានបុកជាមួយរថយន្តធន់ធំប្រភេទសណ្ដោងពេញទំហឹងបណ្ដាលឱ្យអ្នកបើកបររថយន្តតូចស្លាប់ត្រៀមភ្លាម និងអ្នករួមដំណើរម្នាក់រងរបួសធ្ងន់។ ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង៦ និង៤០នាទីព្រឹក ថ្ងៃទី២៣ ខែកុម្ភៈ ឆ្នាំ២០២០ នៅចំណុចភូមិអូរគ្រៀត ឃុំគារ ស្រុកមោងឫស្សី ខេត្តបាត់ដំប។
លោក គិត គឹមហេង អធិការរង នគនគរបាលស្រុកមោងឫស្សីបានបញ្ជាក់ថា ករណីគ្រោះថ្នាក់ចរាចរណ៍នេះជាកំហុសរថយន្តតូចបានបើកបរក្នុងទិសពីបំពានគំនូសឆ្លងផ្លូវទៅបុករថយន្តធំ គឺរថយន្តម៉ាក ស្តារិច ពាក់ស្លាកលេខ ព្រះសីហនុ 2A-7130 ក្នុងទិសដៅពីកើតទៅលិចបញ្ច្រាសគ្នា បុកជាមួយរថយន្តម៉ាកនីសាន់ ធុនធំដឹកជញ្ជូន ពាក់ស្លាកលេខ ចង្កូតស្ដាំ BB- 0244 សណ្ដោងស៊ឺមីរ៉ឺម៉ក ពាក់ស្លាកលេខ បាត់ដំបង 4A-0013។ អ្នកបើកបររថយន្តធន់ធំមិនស្គាល់អត្តសញ្ញាណ ក្រោយកើតហេតុបានរត់គេចខ្លួនបាត់។
នោះអធិការរងបានឲ្យដឹងទៀតថា អ្នកបើកបររថយន្តតូចមាន ឈ្មោះ គង់ ឌឿន ភេទប្រុស អាយុ៣៦ឆ្នាំ រស់នៅភូមិពន្លៃ ឃុំសន្លុង ស្រុកទ្រាំង ខេត្តតាកែវ (ស្លាប់)។ អ្នករួមដំណើរម្នាក់ឈ្មោះ ប៉ិច ប្រុស ភេទប្រុស អាយុ៣០ឆ្នាំ នៅភូមិ ក្រាំងតាសែន ឃុំព្រៃញី ស្រុកសំពៅមាស ខេត្តពោធិ៍សាត់ របួសធ្ងន់។ ដោយបច្ចុប្បន្នកំពុងធ្វើការដោះស្រាយតរាយតាមផ្លូវច្បាប់៕
