តៃកុងឡានក្រុងម្នាក់ ត្រូវបញ្ឈប់ពីការងារ ដោយសារតែនោមដាក់កង់ឡាន ពេលឈប់ភ្លើងស្តុប
(ភ្នំពេញ)៖ តៃកុងឡានក្រុងម្នាក់ ដែលបើកឱ្យរថយន្តក្រុងរបស់សាលារាជធានីភ្នំពេញ ត្រូវបានបញ្ឈប់ពីការងារភ្លាមៗ ក្រោយពីបុរសអ្នកបើកបរឡានក្រុងនេះ បាននោមដាក់កង់រថយន្តក្រុង នៅទីសាធារណៈ ស្ថិតនៅចំណុចប្រសព្វផ្លូវលេខ ១៣០ កែងមហាវិថីព្រះនរោត្តម កាលពីថ្ងៃទី២៧ ខែកុម្ភៈ ឆ្នាំ២០២០ វេលាម៉ោង ១២ និង០០នាទី។
រូបថតបុរសតៃកុងឡាននោះ ត្រូវបានគេថតបាន ហើយរដ្ឋាករស្វយ័តដឹកជញ្ជូនសាធារណៈរថយន្តក្រុង ( City Bus ) បានចេញលិខិតបញ្ជាក់ថា ទង្វើនេះ បានធ្វើឱ្យប៉ះពាល់ដល់កិត្តិយសអង្គភាពបម្រើសេវាដឹកជញ្ជូនសាធារណៈ ជាពិសេសបានធ្វើឱ្យប៉ះពាល់ដល់សេចក្តីថ្លៃថ្នូរ សុជីវធម៌ អនាម័យ សណ្តាប់ធ្នាប់សាធារណៈ និងសោភ័ណភាពរាជធានីភ្នំពេញផងដែរ៕
Loading...
loading...
ចុច Like ជួយគាំទ្រ ខ្មែរអង្គរ
