(ខេត្តតាកែវ)៖ រថយន្តមួយគ្រឿងដឹកប្រេងម៉ាស៊ូត និងសាំង បានឆាបឆេះខូចខាតទាំងស្រុង កាលពីវេលាម៉ោង ៤ និង៣៥ នាទីល្ងាចថ្ងៃទី១៨ ខែកុម្ភ: ឆ្នាំ២០២០ នៅ ត្រង់ចំណុចភូមិសុបិណ ឃុំព្រៃអំពក ស្រុកគិរីវង់ ខេត្តតាកែវ។

សមត្ថកិច្ចមូលដ្ឋានបានឱ្យដឹងថា អ្នកបើកបរឈ្មោះ ជិន ជឿន ភេទប្រុស អាយុ៣៥ ឆ្នាំ រថយន្តម៉ាកហ៊ីយ៉ាន់ដៃ ពណ៌ស ផ្លាកលេខ ភ្នំពេញ 2A-4810 មានផ្ទុកនៅប្រេងម៉ាស៊ូតចំនួន ៥០ ពីដុង និងប្រេងសាំងចំនួន០២ ពីដុងនៅលើរថយន្ត។

ប្រភពបានបញ្ជាក់ថា ឆ្លងចរន្ដភ្លើងអាគុយឡាន បណ្ដាលឱ្យឆេះខូចខាតរថយន្ត និងសម្ភារ:ទាំងស្រុង។ កម្លាំងជំនាញពន្លត់អគ្គិភ័យរបស់អធិការដ្ឋាននគរបាលស្រុកបានបាញ់ទឹកពន្លត់អស់១ រថយន្ត៕