(ភ្នំពេញ)៖ នៅវេលាម៉ោង ៨និង៣០ នាទីព្រឹកថ្ងៃទី២៦ ខែមករា ឆ្នាំ២០២០ ស្ថិតក្នុងភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មានករណីឆ្លងចរន្តអគ្គិសនី បណ្ដាលឱ្យឆក់ប្ដីស្លាប់ និងប្រពន្ធរងរបួសធ្ងន់ ត្រូវបានបញ្ជូនទៅកាន់មន្ទីរពេទ្យ។
ប្រភពនៅកន្លែងកើតហេតុបានឱ្យដឹងថា នៅពេលដែលប្ដី កំពុងត្រូវខ្សែឆ្លងចរន្តអគ្គិសនីឆក់ ប្រពន្ធឃើញក៏ទៅជួយទាញ ទើបបណ្ដាលឱ្យឆក់បន្ត ហើយរងរបួសធ្ងន់។ មានការបញ្ជាក់ថាករណីចង់ជួយមនុស្សដែលកំពុងឆក់ចរន្តអគ្គិសនី ត្រូវយកប្រភេទកំណាត់ ឬខ្សែ (មិនមែនធ្វើដោយលោកហៈ) យកទៅទាក់លើខ្លួនជនរងគ្រោះហើយទាយចេញ។ ដោយមិនត្រូវយកដៃផ្ទាល់ទៅចាប់ទាញជនរងគ្រោះនោះទេ។ បើមិនដូច្នោះទេវាអាចឆក់យើងស្លាប់ជាមួយនិងជនរងគ្រោះដែរ។ ជាកើស្តែង ដូចករណីនេះតែម្ដង។
ក្រោយកើតហេតុ សមត្ថកិច្ច បានចុះដល់ទីតាំងខាងលើ ដើម្បីត្រួតពិនិត្យ និងធ្វើកំណត់ហេតុរួច ប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
