(ខេត្តកំពង់ឆ្នាំង)៖ យុវជនម្នាក់បានស្លាប់ភ្លាមៗនៅនឹងកន្លែងនិងម្នាក់ទៀតរបួសបែកក្បាលជិះម៉ូតូដូចគ្នាបុកជាមួយរថយន្ត។ ហេតុការណ៍គ្រោះថ្នាក់ចរាចរណ៍នេះ បាន កើតឡើងនៅពវេលាម៉ោងជិត៩ព្រឹកថ្ងៃទី២៣ ខែមករា ឆ្នាំ២០២០លើផ្លូវជាតិលេខ៥ ចន្លោះគីឡូម៉ែត្រ ៨២-៨៣ ស្ថិតក្នុងឃុំរលាប្អៀរ ស្រុករលាប្អៀរ ខេត្តកំពង់ឆ្នាំង។
មុនពេលកើតហេតុមានម៉ូតូស៊េរី០១៤ មួយគ្រឿង បើកបរដោយយុវជន ឈ្មោះ ង៉ុយ ខៀវ អាយុ២៦ឆ្នាំ រស់នៅភូមិ មេទឹក ឃុំមេទឹក ស្រុកបាកាន ខេត្តពោធិ៍សាត់ ឌុបមិត្តភ័ក្ដិម្នាក់ទៀតពីក្រោយ ឈ្មោះ ស៊ន សន អាយុ២៦ឆ្នាំ រស់នៅភូមិ/ឃុំជាមួយគ្នា។ លុះដល់ចំណុចកើតហេតុ ក៏មានរថយន្តមួយគ្រឿងម៉ាកគា កូរ៉េពណ៌ខៀវ ពាក់ស្លាកលេខភ្នំពេញ 3A-5730 បើកបរបញ្ច្រាសទិសគ្នា ពីត្បូងទៅជើង ក៏បានបុកជាមួយនឹងម៉ូតូចំកណ្ដាលទ្រូងផ្លូវតែម្ដង បណ្ដាលឱ្យយុវជនឈ្មោះ ស៊ន សន ជិះពីក្រោយ អត់ពាក់មួកសុវត្ថិភាព ដួលធ្លាក់ពីលើម៉ូតូបោកក្បាលផ្ទប់នឹងថ្នល់ស្លាប់នៅកន្លែងកើតហេតុ។ ចំណែកអ្នកបើកបរម៉ូតូឈ្មោះ ង៉ុយ ខៀវ ពាក់មួកសុវត្ថិភាពបានរងរបួសស្រាល ត្រូវបានគេបញ្ជូនទៅសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង។
ក្រោយពេលកើតហេតុ ត្រូវ បាន គេ បញ្ជូន ទៅ សង្គ្រោះ នៅ មន្ទីរពេទ្យបង្អែក ខេត្តកំពង់ឆ្នាំង ។ រីឯអ្នកបើកបររថយន្ត មិន ស្គាល់ អត្តសញ្ញាណនោះទេ បានទុករថយន្តចោលនៅ កន្លែងកើតហេតុ ហើយបានរត់គេចខ្លួនបាត់។ ចំពោះមធ្យោបាយបង្ករត្រូវសមត្ថកិច្ច អូសយកទៅរក្សាទុកនៅ ការិយាល័យ នគរបាលចរាចរណ៍ ផ្លផ្លូវគោក៕
