(ខេត្តសៀមរាប) ៖ រថយន្តកូរ៉េ ២៥កៅអី របស់ក្រុមហ៊ុនជេអិនដឹកភ្ញៀវពីភ្នំពេញ មកកាន់សៀមរាបបានដាច់ហ្រាំ្វង រួចរ៉េចង្កូតធ្លាក់ចូលប្រឡាយលូក្បែរផ្លូវ សំណាងល្អមិនក្រឡាប់ និងមិនបណ្តាលឱ្យមានមនុស្សគ្រោះថ្នាក់ដល់ជីវិត ។ ហេតុការណ៍បានកើតឡើងកាលពីវេលាម៉ោងជលាម៉ោងជាង៦ល្ងាចថ្ងៃទី២១ ខែមករា ឆ្នាំ២០២០ នៅចំណុចចន្លោះបង្គោលគីឡូម៉ែត្រលេខ ២៩១-២៩០ តាមបណ្ដោយផ្លូវជាតិលេខ៦ ស្ថិតក្នុងភូមិ រកាកំបុត ស្រុកប្រាសាទបាគង្គ ខេត្តសៀមរាប ។
រថយន្តដែលជួបឧប្បត្តិហេតុនោះជាប្រភេទរថយន្តក្រុង
ក្រុង ម៉ាក DAYWOO ពណ៌ទឹកប្រាក់ ពាក់ស្លាកលេខ ភ្នំពេញ 3E-9438 ចំណុះ២៥កៅអី ដឹកភ្ញៀវបរទេសចំនួន ២៧នាក់ (ស្រី១៨នាក់) ក្នុងទិសដៅពីកើតមកលិច មកដល់ចំណុចកើតហេតុ បានរ៉េចង្កូតធ្លាក់ចូលប្រឡាយក្បែរផ្លូវ តែមិនមានបង្កគ្រោះថ្នាក់ឬរបួសស្នាម ដល់ដល់អាយុជីវិតមនុស្សទេ គ្រាន់តែបណ្តាលឲ្យបាក់ស្លាកគណបក្សប្រជាជនចំនួនមួយផ្ទាំងតែប៉ុណ្ណោះចំណែករថយន្តខូចខាតផ្នែកខាងមុខ ។
ក្រោយកើតហេតុ កម្លាំងនគរបាលផ្នែកចរាចរនៃអធិការដ្ឋាននគរបាលស្រុកប្រាសាទបាង បានសម្រួលអន្តរាគមន៍គ្រប់គ្រងកន្លែងកើតហេតុ ឱ្យភ្ញៀវជាមួយនឹងអីវ៉ាន់ ផ្ទេរទៅរថយន្តមួយគ្រឿងទៀតដើម្បីបន្តដំណើរ។ ដោយឡែកអ្នកបើកបររថយន្តបាននាំខ្លួនមកអធិការដ្ឋាន ដើម្បីធ្វើតេស្តទឹកនោម តែនៅពេលពិនិត្យរកមិនឃើញនៅសាធាតុញៀននោះឡើយ ហើយត្រឡប់ទៅវិញ ៕
