(ខេត្តព្រះវិហារ)៖ មានករណីគ្រោះថ្នាក់ចរាចរណ៍មួយបង្កឡើងដោយរថយន្តបើកវ៉ាជែងរថយន្តយីឌុបចូលផ្លូវរបស់មូតូហើយបុកចំពីមុខបណ្តាលឱ្យស្លាប់មនុស្សប្រុស២នាក់ កាលពីរសៀលថ្ងៃទី១៩ខែមករាឆ្នាំ២០២០ នៅចំណុចភូមិស្របាលឃុំភ្នំពេញ ស្រុកគូលែន ខេត្តព្រះវិហារ។
សមត្ថកិច្ចបានឲ្យដឹងថា អ្នកបើកបររថយន្តឈ្មោះគីមជូយ៉េ ភេទស្រី អាយុ៥៦ឆ្នាំ មុខរបរអង្គការហាឆាន់ខាំបើករថយន្តToyotaTacoma ពណ៌សំបកឪឡឹក ពាក់ស្លាកលេខ បាត់ដំបង ២A-8511។ ចំណែកអ្នកបើកបរម៉ូតូឈ្មោះមោះ ជា បូរឿន ភេទប្រុស អាយុ៤១ ឆឆ្នាំបានស្លាប់។ បច្ចុប្បន្ន រស់នៅភូមិកោះកណ្តាល ឃុំកោះឧកញាតី ស្រុកខ្សាច់កណ្តាល ខេត្តកណ្តាល។ បើកមូតូម៉ាកហុងដា ណៃហត ពណ៌ស្លែ ពាក់ស្លាកលេខភ្នំពេញ1AJ -2240 លេខមាស៊ីន2108352 លេខតួដូចគ្នា។ អ្នករួមដំណើរម្នាក់មិនស្គាល់អត្តសញ្ញាណក៏ស្លាប់ដែរ។ អ្នកបើកបរម៉ូតូពាក់មួកសុវត្ថិភាព។
មធ្យោបាយទាំងពីរយកមករក្សាទុកនៅអអធិការដ្ឋាននគរបាលស្រុក។ អ្នកបើកបររថយន្តឃាត់ខ្លួននៅអធិការដ្ឋាននគរបាលស្រុកគូលែន៕
