(ភ្នំពេញ)៖ ក្រោយពីជួបគ្រោះថ្នាក់ចរាចរណ៍ដោយបើក រថយន្តម៉ាកព្រូសបុករបាំងថ្មពុះចែកទ្រូងផ្លូវពេញទំហឹង បុរសម្នាក់បាក់កស្លាប់ក្នុងរថយន្ត កាលពីម៉ោងទៀបភ្លឺ ឈានចូលថ្ងៃទី២៦ ខែធ្នូ ឆ្នាំ២០១៩ នៅចំណុចស្តុបមេភ្លើងមហាវិថីព្រះមុនីវង្ស កែងនឹងផ្លូវ ៣៦០ ក្នុងសង្កាត់ បឹងកេងកងទី១ ខណ្ឌបឹងកេងកង រាជធានីភ្នំពេញ។ ជនរងគ្រោះឈ្មោះោះ តាំង វាសនា អាយុ៣២ឆ្នាំសង្កាត់ ទូលសង្កែ ខណ្ឌឫស្សីកែវ។
សមត្ថកិច្ចបានឱ្យដឹងថា រថយន្តម៉ាក តូយ៉ូតាព្រូស ពណ៌ទឹកប្រាក់ ពាក់ផ្លាកលេខភ្នំពេញ 2Y- 7332 បើកបរបើកបរដោយជនរងគ្រោះ តាមបណ្ដោយផ្លូវ៣៦០ ទិសដៅពីលិចទៅកើតក្នុងល្បឿនលឿន ខណៈមកដល់ចំណុចស្តុបកែងនឹងមហាវិថីព្រះមុនីវង្ស ក៏បត់ឆ្វេងដៃមិនបង្អង់ ក៏ជ្រុលទៅបុកនឹងរបាំងថ្មពុះចែកទ្រូងផ្លូវយ៉ាងពេញទំហឹងបណ្ដាលឱ្យរថយន្តបោកផ្ទប់ដើមទ្រូង បណ្ដាលបាក់កកស្លាប់ភ្លាមៗមួយរំពេចនៅនឹងកន្លែងកើតហេតុ ។ ភ្លាមៗនោះក៏មានយុវជនប្រុសស្រី២នាក់ បានយកទ្រព្យសម្បត្តិរបស់តៃកុងរថយន្ត គឺលុយជិត ៤ពាន់ដុល្លារ និងទូរស័ព្ទ ២គ្រឿង ដើម្បីរក្សាទុកឲ្យក្រុមគ្រួសារសាច់ញាតិ។
ក្រោយកើតហេតុ សមត្ថកិច្ចជំនាញបានចុះមកវាស់វែង ស្ទូចយករថយន្តទៅរក្សាទុក រង់ចាំដោះស្រាយគ្នានៅពេលក្រោយ៕៊
