(ភ្នំពេញ)៖ រថយន្តកុងតឺន័រមួយគ្រឿង ធ្វើដំណើរឡើង ស្ពាន ព្រះមុនីវង្សថ្មី ដល់ពាក់កណ្តាលស្ពានស្រាប់ តែរអិលថយក្រោយវិញកាច់ក្បាល រថយន្តត្រឡប់ កៀបជាប់នឹងទូកុងតឺន័ រួចកិនម៉ូតូ២គ្រឿង បណ្តាលឱ្យរងការខូចខាត តែមិនមានអ្នករងរបួសដោយសារឧប្បត្តិហេតុនេះទេ ។
ហេតុការណ៍គ្រោះថ្នាក់ចរាចរណ៍នេះបានកើបានកើតឡើងនៅគល់ស្ពានព្រះមុនីវង្សថ្មី (ហៅសហៅស្ពានច្បារអំពៅ) ស្ថិតក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យកាល ពីវេលាម៉ោង ២ និង១៥នាទី រំលងអធ្រាត្រ ឈានចូលថ្ងៃទី ២៩ ខែវិច្ឆិកា ឆ្នាំ ២០១៩។
ម្ចាស់ម៉ូតូរងគ្រោះ ឈ្មោះ លី សុខា ភេទប្រុស អាយុ ៣៩ឆ្នាំ មុខរបរ ចុងភៅ ស្នាក់នៅសង្កាត់ បឹងទំពុន ខណ្ឌមានជ័យ បាន ប្រាប់ឱ្យដឹង ថា មុនកើតហេតុ គឺគាត់កំពុងជិះម៉ូតូគាត់ ម៉ាក zoomer X ពណ៌ ក្រហម លាយស ពាក់ផ្លាកលេខ ភ្នំពេញ 1GG-3270 ។ ក៏មានម៉ូតូមួយគ្រឿងទៀត ម៉ាក ស្មាស រ៉េវ៉ូ ពណ៌ខ្មៅ ពាក់ផ្លាកលេខ កណ្តាល 1D-7153 បើក ដោយ បុរសម្នាក់ មិនស្គាល់អត្តសញ្ញាណធ្វើដំណើរស្របទិសគ្នា៕
