(ខេត្តកំពង់ស្ពឺ)៖ រថយន្តដឹកឥដ្ឋការ៉ូមួយគ្រឿងអ្នកបើកបរបាត់ស្មារតី អាចងងុយដេក ខណៈកំពុងបើកបរលឿនបានទេចង់កូនឆ្លងគន្លងផ្លូវម្ខាងទៀតចូលទៅផ្នែកខាងឆ្វេងហួសទៅបុកបង្កាន់ដៃស្ពានពេញទំហឹង។ ករណីគ្រោះថ្នាក់ចរាចរណ៍បង្កឡើងដោយខ្លួនឯងនេះបានកើតឡើង កាលពីវេលាម៉ោង១៧ និង១៥នាទីនាល្ងាចថ្ងៃទី២៧ ខែវិច្ឆិកា ឆ្នាំ២០១៩នៅលេីកំណាត់ផ្លូវជាតិលេខ៤ ស្ថិតត្រង់ចំណុចស្ពានអូរក្រាំងអំបិល ភូមិស្លា ឃុំវល្លិ៍ស ស្រុកសំរោងទង ខេតខេត្តកំពង់ស្ពឺ។
លោកវរសេនីយ៍ឯក ឃុត សុផល អធិអធិការនគរបាលស្រុកសំរោងទង បានឲ្យដឹងថា រថយន្ដជួបហេតុការណ៍គ្រោះថ្នាក់ចរាចរណ៍នោះ មានស្លាកលេខ ភ្នំពេញ 3A-7700 ដឹកទំនិញផ្ទាល់ខ្លួន ប្រភេទ ២.៥តោន ពណ៌ខៀវ មានទ្រុងពណ៌ប្រផេះ ដឹកឥដ្ឋការ៉ូ បេីកបរពីទិសខាងកេីត ឆ្ពោះឆ្ពោះទៅទិសខាងលិចនៅលើដងផ្លូវជាតិលេខ ៤ លុះមកដល់ចំណុចលេីស្ពាន រថយន្តបានរេចង្កូតទៅចំណែកផ្លូវនៃឆ្វេងដៃ ចូលគន្លងផ្លូវទិសបញ្រ្ចាស រួចបានទៅបុកបង្កាន់ដៃស្ពាន។ តែមិនបានបណ្ដាលឱ្យរងប៉ះ របួសអ្នកធ្វើដំណើរឡេីយ។ ចំណែកអ្នកបើកបររថយន្ត ឈ្មោះ សឿម ពឿន ភេទប្រុស អាយ៣៨ឆ្នាំ រស់នៅភូមិស្រែល្វា ឃុំត្រពាំងជង ស្រុកបាកាន ខេត្តពោធិសាត់ បានររងរបួសធ្ងន់ ហើយបានបញ្ជូនទៅកាន់មន្ទីរពេទ្យឯកជនភ្លាមៗ។
ក្រោយកើតហេតុលោកវរសេនីយ៍ឯក ឃុត សុផល បានបញ្ជូនមន្ត្រីនគរបាលចុះទៅដល់ទីកន្លែង និងមានកិច្ចសហការពីរថយន្ដស្ទួចរបស់ក្រុមហ៊ុនធ្វើផ្លូវល្បឿនលឿន ភ្នំពេញ ព្រះសីហនុ ដែលនៅការដ្ឋានក្បែរនោះជួយស្ទួច អូសយករថយន្តបង្កចេញ ដេីម្បីសម្រួលចរាចរណ៍ជូនបងប្អូនប្រជាពលរដ្ឋឆ្លងកាត់។ ប្រតិបត្តិការប្រេីពេលអស់ ៥០នាទី នៅវេលាម៉ោង ១៨ និង០៥នាទី រថយន្ដបង្កត្រូវបានស្ទួចយកចេញពីទីតាំងស្ពានបានដោយសុវត្ថិភាព។
តាមការបញ្ជាក់ពីមន្រ្ដីជំនាញចរាចរណ៍ថា ករណីគ្រោះថ្នាក់ចរាចរណ៍ខាងលេី អាចមកពីបេីកបរប្រេីប្រាស់គ្រឿងអេឡិចត្រូនិច (ពេលបើកបរប្រើប្រាស់ទូរស័ព្ទដៃ) ជំនាញកំពុងស្រាវជ្រាវរកមូលហេតុពិតប្រាកដ។ ចំពោះមធ្យោបាយរថយន្ត បានស្ទួចយកមករក្សាទុកបណ្ដោះអាសន្ន រង់ចាំចំណាត់ការតាមនីតិវិធីច្បាប់ ៕
