(ខេត្តស្វាយរៀង)៖ បុរសម្នាក់ និងស្ត្រីម្នាក់បានរងរបួសធ្ងន់នៅក្នុងករណីគ្រោះថ្នាក់ចរាចរណ៍រវាងម៉ូតូបុកនឹងម៉ូតូ ខណៈដែលជនរងគ្រោះទាំងពីរនាក់ស្រវឹងស្រាដូចគ្នាហើយបើកបរមិនប្រកាន់ស្តាំ។ ហេតុការណ៍នេះបានកើតឡើងនៅត្រង់ចំណុចភូមិចេក ឃុំសំរោង ស្រុកចន្ទ្រា កាលពីព្រលប់ថ្ងៃទី២៦ ខែវិច្ឆិកា ឆ្នាំ២០១៩។
សមត្ថកិច្ចបានឱ្យដឹងថា ជនរងគ្រោះទី១-ឈ្មោះ សរ វន ភេទប្រុស អាយុ៣៥ឆ្នាំ។ ចំណែកជនរងគ្រោះទី ២-ឈ្មោះ ហននីតា ភេទស្រី អាយុ១៨ឆ្នាំ មុខបរបរបម្រើការនៅខារ៉ាអូខេបុបា្ផសំរោងថ្មីជាយដែន ស្ថិតក្នុងភូមិចេក ឃុំសំរោង ស្រុកចន្ទ្រាមានស្រុកកំណើតភូមិជើងខ្នា ឃុំពន្លៃស្រុកបរិបូណ៌ ខេត្តកំពង់ឆ្នាំង។
បច្ចុប្បន្នជនរងគ្រោះទាំងពីរនាក់ត្រូត្រូវបញ្ជួនទៅមន្ទីរពេទ្យបង្អែកជីភូ។ចំណែកវត្ថុតាង សមត្ថកិច្ចបានយកទៅរក្សាទុកនៅអធិការដ្ឋាននគរបាលស្រុកចន្ទ្រាជាបណ្តោះអាសន្នដើម្បីរង់ចាំដកស្រែទៅតាមផ្លូវច្បាប់៕
