(ភ្នំពេញ)៖ បុរសម្នាក់ទំនងស្រវឹងស្រា បានបើករថយន្តល្បឿនលឿន ទៅបុកគូទរថយន្តធំ១គ្រឿង មិនចាំម៉ាកពេញទំហឹង ហើយរេទៅបុកខឿនចែកផ្លូវ បណ្តាលឱ្យបាក់មួយកង់ បណ្ដាលឱ្យអ្នកបើកបររថយន្តនេះនិងស្ត្រីរួមដំណើរម្នាក់របួសធ្ងន់។ ហេតុការណ៍នេះបានកើតឡើងនៅតាមបណ្ដោយផ្លូវណតប្រីតហៅផ្លូវលូបីក្នុង សង្កាត់អូរបែកក្អម ខណ្ឌសែនសុខ កាលពីយប់ថ្ងៃទី១៩ ខែតុលា ឆ្នាំ២០១៩។
សមត្ថកិច្ចបានឱ្យដឹងថា មុនពេលកើតហេតុ រថយន្តម៉ាកព្រូសពណ៌ទឹកប្រាក់ ពាក់ស្លាកលេខភ្នំពេញ2BB-6847ធ្វើដំណើរតាមបណ្តោយ ផ្លូវណតប្រីត ហៅផ្លូវលូបីក្នុងទិសដៅពីត្បូងទៅជើង ក្នុងងល្បឿនលឿន។ ខណៈមកដល់ចំណុចកើតហេតុបានបើកបុករថយន្តធំពីក្រោយ ហើយរេទៅបុកខឿនចែកផ្លូវ បណ្ដាលឱ្យបាក់ខឿនថ្មអស់មួយកង់។ចំណែករថយន្តធំបានបើកចេញពីកន្លែងកើតហេតុបាត់ ស្រមោល។
ក្រោយពីកើតហេតុ ភ្លាមៗនោះមានរថយន្តសង្គ្រោះមកដឹកម្ចាស់រថយយន្តបង្ក និងស្ត្រីអ្នករួមដំណើរជាមួយ ដែលរងរបួយធ្ងន់ទាំង២នាក់ទៅមន្ទីពេទ្យ៕
