(ខេត្តកណ្ដាល)៖ បុរសម្នាក់បើកបងម៉ូតូដួលទៀតចូលទៅកណ្ដាលថ្នល់ស្របពេលរថយន្តបើកមកពីក្រោយកិនចំក្បាលស្លាប់មួយរំពេច។ ករណីគ្រោះថ្នាក់ចរាចរណ៍នេះបានកើតឡើង កាលពីវេលាម៉ោង១១ និង២៥នាទីថ្ងៃ៣១ ខែសីហា ឆ្នាំ២០១៩នេះ នៅលើផ្លូវជាតិលេខ១ ត្រង់ចំណុចចន្លោះគីឡូម៉ែត្រលេខ ២៨ និង២៩ ក្នុងភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល។
សមត្ថកិច្ចបានឲ្យដឹងថា ជនរងគ្រោះឈ្មោះ ធឿង វ៉ាត ភេទប្រុស អាយុ៣៦ឆ្នាំ ស្នាក់នៅភូមិជ័យឧត្តម ឃុំសំរោងធំ ស្រុកកៀនស្វាយ ខេត្តកណ្តាល បានបើកបរម៉ូតូគ្រឿងម៉ាក HONDA DREAM 125 ពណ៌ខ្មៅ ពាក់ផ្លាកលេខភ្នំពេញ 1BS-5349 មានទិសដៅពីអ្នកលឿងទៅភ្នំពេញ តាមផ្លូវជាតិលេខ១។ ពេលពេលបើកមកដល់កន្លែងកើតហេតុ បានដួលបោកទៅលើថ្នល់ ហើយបានខ្ទាតទៅខាងឆ្វេងដៃ ស្របពេលនោះមានរថយន្តមិនស្គាល់អត្តសញ្ញាណ មួយគ្រឿងបើកមកពីក្រោយ ក្នុងទិសដៅស្របគ្នា បាបានកិនចំក្បាលបណ្តាលឱ្យស្លាប់ភ្លាមៗ។
ក្រោយកើតហេតុនគរបាលបានយកម៉ូតូជនរងគ្រោះមករក្សាទុកជាុកជាភស្តុតាង នៅអធិការដ្ឋាននគរបាលស្រុកកៀនស្វាយ៕
