(ខេត្តកំពង់ស្ពឺ)៖ ករណីឃាតកម្មគិតទុកជាមុន បុរសជនសង្ស័យម្នាក់បានយកកាំភ្លើងខ្លីបាញ់បុរសម្នាក់ជាគ្រូបង្រៀនម្នាក់កំពុងសម្រាកហូបបាយជាមួយគ្រូបង្រៀនដទៃទៀតក្នុងកូនរោងតូចមួយនៅកណ្តាលទីធ្លាសាលា បណ្តាលឱ្យស្កាប់ភ្លាមៗ។ ករណីបាញ់ប្រហារសម្លាប់មនុស្សនេះបានកើតឡើង នៅវេលាម៉ោង១២ និង៣៥នាទីថ្ងៃពុធ ទី០៨ ខែឧសភា ឆ្នាំ២០១៩នេះ នៅអនុវិទ្យាល័យតាំងរបង ឃុំហោងសំណំ ស្រុកឱរ៉ាល់ ខេត្ដកំពង់ស្ពឺ។
លោកវរសេនីយ៍ឯក ប៊ុត ប៊ុនធឿន អធិការនគរបាលស្រុកឱរ៉ាល់ឱ្យដឹងថា ជនល្មេីសមានឈ្មោះ ជួន ធានីរាសី ភេទភេទប្រុកើតថ្ងៃទី១៥ ខែមេសា ឆ្នាំ១៩៩០ មានស្រុកកំណេីត ភូមិបាឡាត ឃុំនរា ស្រុកសង្កែ ខេត្តបាត់ដំបង បច្ចុប្បន្នមានទីលំនៅភូមិ៤ សង្កាត់ ព្រះពន្លា ក្រុងសេរីសោភ័ណ ខេត្ត បន្ទាយមានជ័យ មុខរបរ ជាងធ្វេីមាស មានឪពុកឈ្មោះ ជួន គឹមរ៉ាត់ ម្ដាយឈ្មោះ អ៊ូ ផល្លា និងមានប្រពន្ធឈ្មោះសុខ ស្រីនាង។
លោកវរសេនីយ៍ឯក ប៊ុត ប៊ុនធឿនបានបញ្ជាក់ឱ្យដឹងថាជនល្មើសបានបាញ់សម្លាប់ជនរងគ្រោះ ដោយអាវុធខ្លី មួយដេីម ម៉ាក K54 ធ្វើសកម្មភាពជិះម៉ូតូ ម៉ាក Honda C70 គប់ជ្រុង ពណ៌ ទឹកបុិច ស្លាកលេខ 1A-8250 បន្ទាយមាន ជ័យ ចូលសំដៅមកអែមរបងសាលារៀនគាប់ជួនជនរង គ្រោះកំពុងហូបបាយជុំគ្នាជាមួយគ្រូបង្រៀនដទៃទៀត នៅកូបរោងតូចមួយក្នុងសាលារៀន ។
ក្រោយពីបាញ់ប្រហារជនល្មើសបានធ្វើសកម្មភាពរួចរត់គេចខ្លួនដោយបោះចោលអាវុធខ្លីក្នុងគុម្ពស្មៅ រត់សំដៅទៅថ្នល់ជាតិ ដោយមានកិច្ចសហការល្អ និងបានការចង្អុលណែនាំពីលោកឧត្ដមសេនីយ៍ទោ សម សាមួន ស្នងការនគរបាលខេត្ត កម្លាំងលោកននិងជំនាញខេត្តបានចុះហុំព័ទ្ធរុករក និងចាប់ឃាត់ខ្លួនជនល្មើសបានភ្លាមៗនៅមិនឆ្ងាយពីទីកន្លែងកេីតហេតុ ក្រោយពីធ្វើសកម្មភាពតែ២០នាទីប៉ុណ្ណោះ។
សមត្ថកិច្ចឃាត់ខ្លួន និងដកហូតបានវត្ថុតាងរួមមានអាវុធខ្លី K54 មួយដេីម គ្រាប់ ០៨គ្រាប់ ម៉ូតូមួយគ្រឿង ម៉ាក Honda គុបជ្រុង និងសម្ភារៈគ្រឿងលោហៈពណ៌លឿង ពណ៌ស ឯកសារផឯកសារផ្ទាល់ខ្លួនមួយចំនួនទៀត។
តាមចម្លេីយបឋមជនល្មើសថា ធ្លាប់មានគំនុំជាមួយជនរងគ្រោះ ចោទប្រកាន់ថា ជនរងគ្រោះទាក់ទងសេ្នហាជាមួយប្រពន្ធខ្លួន បន្ទាប់ពីខ្លួនបានលះលែងប្រពន្ធអស់រយៈពេល ប្រហែល ៥ខែ មូលហេតុលះលែងមកពីជនរងគ្រោះ។
ជនល្មេីសត្រូវបានបញ្ជូនមកកានាន់ស្នងការដ្ឋាននគរបាលខេត្ត ដេីម្បីសាកសួរ និងកសាងសំណុំរឿង ចាត់ការតាមច្បាប់៕
