(ភ្នំពេញ)៖ លោក សួន បវរ ចៅហ្វាយខេត្តបន្ទាយមានជ័យ ដែលមានរឿងអាស្រូវស្រីញី ដែលល្បីល្បាញពេញប្រទេស តាមរយៈចែករំលែកព័ត៌មានដ៏អាស្រូវក្នុងបណ្តាញព័ត៌មាន និងបណ្តាញសង្គមហ្វេសប៊ុក ត្រូវបានរាជរដ្ឋាភិបាលផ្លាសប្ដូរតំណែង ឱ្យមកបម្រើការងារ នៅកនៅក្នុងក្រសួងមហាផ្ទៃវិញន ដែលនេះជាការព្រមាន។ នេះបើតាមលិខិតរបស់សម្ដេចនាយករដ្ឋមន្ត្រី ហ៊ុន សែន ផ្ញើជូនព្រះមហាក្សត្រ នាព្រឹកថ្ងៃទី០៨ ឧសភា នេះ ។
សម្តេចបានទូលថ្វាយព្រះអង្គថា ដោយផ្អែកតាមសេចក្តីត្រូវការចាំបាច់របស់រាជរដ្ឋាភិបាល និងដោយពិនិត្យទៅលើលក្ខណសម្បត្តិ សមត្ថភាព និងបទពិសោធន៍ការងាររបស់មន្រ្តីរាជការ ព្រមទាំងលើកកម្ពស់ប្រសិទ្ធភាពការដឹកនាំ និងការគ្រប់គ្រងការងាររដ្ឋបាលខេត្តបន្ទាយមានជ័យឱ្យមាន ដំណើរការល្អប្រសើរ ។ សម្តេចស្នើសុំផ្ទេរភារកិច្ច លោក សួន បវរ ពីអភិបាលខេត្តបន្ទាយមានជ័យ ឱ្យមកបម្រើការងារនៅទីស្តីការក្រសួងមហាផ្ទៃដើម្បីទទួលភារកិច្ចថ្មី។
ជាមួយគ្នានេះ សម្តេចក៏ស្នើសុំតែងតាំង លោក អ៊ុំ រាត្រី ជាអភិបាលខេត្តបន្ទាយមានជ័យ ជំនួសលោក សួន បវរ ព្រម ទាំងស្នើសុំបញ្ជូនលោក តឹង វណ្ណៈ មន្រ្តីរដ្ឋបាលជាន់មខ្ពស់ក្រសួងមហាផ្ទៃ តែងតាំងជាអភិបាលរងខេត្បន្ទាយមានជ័យ ផងដែរ។ ការផ្លាសប្ដូរតួនាទីនាទី ត្រូវបានធ្វើឡើងបន្ទាប់កាលពីពេលថ្មីៗនេះ លោក សួន បវរ បានរងការវាយប្រហារយ៉ាងធ្ងន់ធ្ងរ ពីស្រីស្នេហ៍របស់លោក ដែលនាំឱ្យមានការិះគន់យ៉ាងចម្រូចម្រាស់នៅលើបណ្ដាញសង្គម អំពីសីលធម៌របស់មេដឹកនាំខេត្ត ដែលធ្វើឱ្យស្រី្តម្នាក់ឈឺចាប់រឿងបោកប្រាស់ស្នេហា៕
