(ខេត្តកណ្ដាល) ៖ បុរសម្នាក់ ត្រូវអ្នកជិតខាងប្រទះឃើញអណ្ដែតទឹក ខណៈដែលបុរសរងគ្រោះទៅឆក់ត្រី ឆក់ខ្លួនឯងស្លាប់ ពេលពេលផឹកស្រារួចជាមួយអ្នកជិតខាង ហើយនៅម៉ោង២និង០០នាទីរំលងអធ្រាត្រ ឈានចូលថ្ងៃទី១៨ ខែមេសា ឆ្នាំ២០១៩ ជនរងគ្រោះ បានទៅយកឧបករណ៍ឆក់ត្រីពីក្នុងផ្ទះរបស់ខ្លួន ហើយជិះទូកតែម្នាក់ឯងឆ្ពោះទៅឆក់ត្រី នៅបឹងកិច្ច។
ហេតុការណ៍នេះបង្កការភ្ភ្ញាក់ផ្អើលនៅវេលាម៉ោង៧ និង០០នាទី ថ្ងៃទី១៨ ខែមេសា ឆ្នាំ២០១៩ ចំណុចបឹងកិច្ច ភូមិព្រែកល្វា ឃុំព្រែកតាកូវ ស្រុកខ្សាច់កណ្តាល ខេត្តកណ្តាល ក្រោយពីអ្នកភូមិចុះទៅហ៊ុំសម្រះចាប់ត្រី។
សមត្ថកិច្ចបានឱ្យដឹងថា ជនរងគ្រោះ ឈ្មោះអឿន ចាន់ថន ហៅម៉ាប់ ភេទប្រុស អាយុ៣៤ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិ ព្រែកល្វា ឃុំ ព្រែកតាកូវ ស្រុកខ្សាច់កណ្តាល ខេត្តកណ្តាល។ ប្រពន្ធឈ្មោះ ម៉ាឡៃ អាយុ២៥ឆ្នាំ មុខរបរកម្មកររោងចក្រ មានកូន០២នាក់(ប្រុស)។ វត្ថុតាងមាន៖ អាគុយចំនួន០១គ្រាប់ កម្លាំង៤០ អំពែ, ដុំឆក់ចំនួន០១, ដងឆក់ធ្វើពីឫស្សី ចំនួន០១។
សាក្សីបានបានឱ្យសមត្ថកិច្ចដឹងថា នៅថ្ងៃទី១៧ ខែមេសា ឆ្នាំ២០១៩ វេលាម៉ោង២១និង០០នាទី ជនរងគ្រោះបានផឹកស្រាជាមួយអ្នកជិតខាង។ រហូតដល់វេលាម៉ោង២និង០០នាទីរំលងអធ្រាត្រ ឈានចូលថ្ងៃទី១៨ ខែមេសា ឆ្នាំ២០១៩ ជនរងគ្រោះ បានទៅយកឧបករណ៍ឆក់ត្រីពីក្នុងផ្ទះរបស់ខ្លួន ហើយជិះទូកតែម្នាក់ឯងឆ្ពោះទៅឆក់ត្រី នៅបឹងកិច្ច។
លុះដល់វេលាម៉ោង៧ និង០០នាទីព្រឹក ថ្ងៃដដែល ឈ្មោះ ហម ថា ភេទប្រុស អាយុ៤៥ឆ្នាំ រួមនឹង ឈ្មោះ អយ អឿន ឈ្មោះកាន គីម បាននាំគ្នាទៅហ៊ុមសម្រាស់ នៅបឹងកិច្ចនោះដែរ។ ពេលទៅដល់បឹង ឃើញ អាគុយដុំឆក់ នៅលើទូក និងឃើញដងឆក់អណ្ដែតក្នុងទឹក ពេលនោះ ឈ្មោះ ហម ថា បានទៅមើល ហើយឃើញ ឈ្មោះ អឿន ចាន់ថន ស្លាប់នស្លាប់នៅក្នុងទឹកដៃកាន់ដងឆក់ជាប់។ ហើយពេលនោះ ឈ្មោះ ហម ថា បានប្រាប់បងប្អូនរបស់ជនរងគ្រោះ ព្រម ទាំងរាយការណ៍ជូនសមត្ថកិច្ចនគរបាលប៉ុស្តិ៍ព្រែកតាកូវ ហើយក្រុមគ្រួសារបានស្រង់សាកសពជនរងគ្រោះយកមកផ្ទះ។
បន្ទាប់មក សមត្ថកិច្ចជំនាញសហការជាមួយកម្លាំងនគរបាលប៉ុស្តិ៍ព្រែកតាកូវ ក្រុមប្រឹក្សាឃុំ មេភូមិ គ្រូពេទ្យ និងក្រុមគ្រួសារសព ពិនិត្យសាកសពដោយហ្មត់ចត់ ឃើញមានស្លាកស្នាមស្លោកនៅម្រាមដៃឆ្វេង ក្រៅពីនេះពុំមានស្លាកស្នាមអ្វីគួរឱ្យកត់សម្គាល់ឡើយ និង បានប្រគល់សាកសពជូនក្រុមគ្រួសារធ្វើបុណ្យតាមប្រពៃណី៕
