(ភ្នំពេញ)៖ មនុស្ស ៤៤នាក់បានស្លាប់ និង ១៣២នាក់ បានរងរបួសធ្ងន់ និងស្រាល ដោយក្នុងនោះរបួសធ្ងន់ចំនួន ១០០នាក់ និងរបួសស្រាលចំនួន ៣២នាក់ នៅក្នុងគ្រោះថ្នាក់ចរាចរណ៍ផ្លូវគោកទូទាំងប្រទេស ក្នុងពិធីបុណ្យចូលឆ្នាំប្រពៃណីខ្មែរពីថ្ងៃទី១៣ ដល់ថ្ងៃទី១៥ ខែមេសា ឆ្នាំ២០១៩។ នេះបើយោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការនគរបាលជាតិ កាលពីថ្ងៃទី១៥ ខែមេសា ឆ្នាំ២០១៩។
របាយការណ៍បានបញ្ជាក់ថា មូលហេតុគ្រោះថ្នាក់ចរាចរណ៍បណ្ដាលមកពី៖ បើកលើសល្បឿនកំណត់, បើបើកបរក្នុងភាពស្រវឹង, ប្រប្រជែងមិនប្រកាន់ស្ដាំ, មិមិនគោរពសិទ្ធិ, បបត់គ្រោះថ្នាក់, កកត្តាយាន, និងងងុយដេក។
របាយការណ៍ដដែលបានបន្តថា រាជធានី ខេត្តដែលគ្រោះថ្នាក់ និងរងគ្រោះច្រើនមានដូចជា ខេត្តកំពង់ស្ពឺ ៣លើក ស្លាប់ ៥នាក់, ខេត្តកណ្ដាល ៣លើក ស្លាប់ ៤នាក់ របួស ៦នាក់, ខេត្តត្បូងឃ្មុំ ២លើក ស្លាប់ ៤នាក់ របួស ២នាក់, ភ្នំពេញ ១២លើក ស្លាប់ ៣នាក់ របួស ១៤នាក់, ខេត្តកំពង់ឆ្នាំង ៣លើក ស្លាប់ ៣នាក់, ខេត្តពោធិ៍សាត់ ៧លើក ស្លាប់ ៣នាក់ របួស១១នាក់, ខេត្តក្រចេះ ៣លើក ស្លាប់ ២នាក់ របួស ៥នាក់, ខេត្តបន្ទាយមានជ័យ ៣លើក ស្លាប់ ២នាក់ របួស ៨នាក់៕
