(ខេត្តកណ្តាល)៖ នគរបាលខេត្តកណ្តាល បើកប្រតិបត្តិការចុះបង្ក្រាបទីតាំងលេងល្បែងស៊ីសងខុសច្បាប់ មានដូចជា សង្វៀន ជល់មាន់ និងវង់អាប៉ោង នៅចំណុចភូមិពាមប្រជុំ ឃុំព្រែកអំបិល ស្រុកស្អាង ខេត្តកណ្ដាល កាលពីរសៀលថ្ងៃទី១៤ ខែមេសា ឆ្នាំ២០១៩។
ប្រមាណ ៣០០នាក់ ដែលស្ថិតក្នុងទីតាំងលេងល្បែងបាននាំគ្នារត់ជាន់ជើងគ្នាចោលម៉ូតូ ឡាន។ ប៉ុន្តែសមត្ថកិច្ចបានឃាត់ខ្លួនមនុស្សយ៉ាងហោចបានចំនួន០៤នាក់ជាភស្តុតាង។
ទីតាំងលេងល្បែងស៊ីសងខុសច្បាប់ខាងលើនេះបានបើកឲឱ្យលេង រយៈពេល៥ថ្ងៃមកហើយ ដោយអាជ្ញាធរមូលដ្ឋានធ្វើមិនមិនឮ រហូតមកដល់ថ្ងៃទី១៤ ខែមេសា នេះ លោកឧត្តមសេនីយ៍ទោ អ៊ាវ ចំរើន ស្ស្នងការនគរបាលខេត្តកណ្តាលបានដឹង ហើយហើយបានបញ្ជាផ្ទាល់ឱ្យកម្លាំងព្រហ្មទណ្ឌកម្រិតស្រាល កម្លាំងតម្រួតបទបញ្ជា និងអន្តាគមន៍ សេនាធិ ការ និងកម្លាំងវរព្រំដែនជើងគោក ៦០៥ នៃស្នងការដ្ឋាននគរបាលខេត្ដកណ្ដាល ចុះបង្ក្រាប។
ជនសង្ស័យជាច្រើននាក់ រត់គេចខ្លួន សមត្ថកិច្ច ស្ទាក់ឃាត់ខ្លួនបាន០៤នាក់ រួមមាន៖ ទី១.ឈ្មោះ ឈុន ហួរ ភេទប្រុស អាយុ៤៤ឆ្នាំ ភូមិទួលសុភី ឃុំព្រែកគយ ស្រុកស្អាង ខេត្តកណ្ដាល (ឃាត់ខ្លួន)។ ទី២.ឈ្មោះ ប៉េង ឡេង ភេទប្រុស អាយុ៤៥ឆ្នាំ ភូមិចំប៉ាលើ ឃុំព្រែកអំបិល ស្រុកស្អាង ខេត្តកណ្ដាល (ឃាត់ខ្លួន)។ ទី៣.ឈ្មោះ ខេង មករា ភេទប្រុស អាយុ២៥ឆ្នាំ ភូមិស្វាយកណ្ដាល ឃុំព្រែកថ្មី ស្រុកកោះធំ ខេត្តកណ្ដាល (ឃាត់ខ្លួន)។ ទី៤.ឈ្មោះ គៀង ហៀង ភេទប្រុស អាយុ ៣១ឆ្នាំ ភូមិព្រែកប៉ាង ឃុំកោះខែល ស្រុកស្អាង ខេត្តកណ្ដាល (ឃាត់ខ្លួន) ។
ចំណែកម្ចាស់សង្វៀនជល់មាន់ដ៏ធំឈ្មោះ (អ៊ន) ភេទប្រុស អាយុ៥៥ឆ្នាំ នៅភូមិចុងកោះ ឃុំទឹកវិល ស្រុកស្អាង ខេត្តកណ្ដាល រត់គេចខ្លួន។
វត្វត្ថុតាងចាប់យកមានដូចជា៖ មាន់ជល់០៦ក្បាល (ងាប់ ០២ក្បាល) ជញ្ជីង ០១ ស្កុត រុំជើងមាន់ ៤ប្រអប់ធំ កន្ត្រក់ដាក់មាន់០៩ កៅអី ៥៩ ម៉ូតូ ៨១គ្រឿង និងឡាន ០២គ្រឿង៕
