(ខេត្តកំពង់ស្ពឺ) ៖ បុសរសម្នាក់ និងព្រះសង្ឃ២អង្គបានស្លាប់ និងសុគតគរលើគ្នា បន្ទាប់ពីជិះម៉ូតូឌុបគ្នាបុកសត្វគោរត់ឆ្លងផ្លូវ រួចខ្ទាតដួល ត្រូវរថយន្តស៊ីទែនសាំងបើកបញ្ច្រាស ទិសគ្នាកិនពីលើតែម្តង។ ករណីគ្រោះថ្នាក់ចរាចរណ៍ដ៏ញាក់សាច់នេះបានកើតឡើងនៅវេម៉ោង១៦ និង២៦នាទី នៅ (មុខមុខកន្លែងលក់សាច់ក្រកគោអូរក្រាំងអំបិល) លើផ្លូវជាតិលេខ ៤ ចន្លោះគីឡូម៉ែត្រលេខ (៣៨-៣៩) ស្ថិតក្នុងភូមិស្លា ឃុំវល្លិសរ ស្រុកសំរោងទង ខេត្តកំពង់ស្ពឺ។
សមត្ថកិច្ចបានឱ្យដឹងថា ជនរងគ្រោះជិះ០១គ្រឿងមម៉ាកC125 ពណ៌ខ្មៅ សេរីឆ្នាំ ២០១៤ ពាក់ផ្លាកលេខកំពង់ស្ពឺ1G-1686 បើកបរដោយឈ្មោះ ទូច កុយ ភេទប្រុស អាយុ១៨ឆ្នាំ នៅភូមិអង្គទន្លាប់ ឃុំសំរោង ទង ស្រុកសំរោងទង ឌុបព្រះសង្ឃ២អង្គ ព្រះនាម ទី១-អៀង បញ្ញា ព្រះជន្ម ១៧ វស្សា និងទី២-ព្រះនាម ម៉ៅ រិទ្ធិកា ព្រះជន្ម ១៦ វស្សា គង់នៅវត្តអង្គទន្លាប់ ។
តាមការបញ្ជាក់ពីមន្រ្ដីនគរបាលចរាចរណ៍ថា ម៉ូតូធ្វើដំណើរពីទិសខាងកើតទៅលិច លុះមកដល់ចំណុចកើតហេតុខាងលើបានបុកសត្វគោមួយក្បាល ដើរឆ្លងផ្លូវពីជើងទៅត្បូង បណ្ដាលឱ្យម៉ូតូដួលហើយត្រូវរថយន្ដ ០១គ្រឿង ម៉ាកស្ដាលីង ព័ណ៌សរ ពាក់ផ្លាកលេខភ្នំពេញ3B-6398 សណ្ដោងរឺម៉ក ដឹកប្រេងក្រុមហ៊ុនតេលា បើកបរទិសដៅពីលិចទៅកើត កិនអ្នកបើកបរម៉ូតូ និងអ្នករួមដំណើរស្លាប់នៅនឹងកន្លែងកើតហេតុតែម្ដង។ ចំណែកអ្នកបើកបរបានរត់គេចខ្លួនបាត់។
ជាទូទៅក្នុងករណីគ្រោះថ្នាក់ចរាចរណ៍ដែលបង្កឡេីង ដោយសត្វចិញ្ចឹមមិនដែលឃេីញម្ចាស់សត្វចេញមុខទទួលខុស ត្រូវនោះទេ កន្លងមកអាជ្ញាធរ មានការផ្សព្វផ្សាយនិងណែនាំដល់បងប្អូនប្រជាពលរដ្ឋដែលចិញ្ចឹមសត្វមេត្ដាគ្រប់គ្រងនិងមេីលថែសត្វចិញ្ចឹមឱ្យបានត្រឹមត្រូវកុំបណ្ដោយឱ្យដេីរពាស វាលពាសកាលដែលអាចបង្កហេតុផ្សេងៗ ដូចជាករណីគ្រោះថ្នាក់ចរាចរណ៍នេះជាដើម។ បើតាមការកត់សម្គាល់ភាគច្រើនសត្វគោដែលដេីរពាសពេញថ្នល់ជាតិ គឺអ្នកមានមុខរបររកសុីកាប់គោព្រលែងចោលដេីរតាមចិត្ដដូចជានៅម្ដុំថ្នល់ទទឹងជាដេីម។
បចបច្ចុប្បន្នសាកសពសមត្ថកិច្ចបានប្រគល់ជូនក្រុមគ្រួសារនិងគណៈកម្មការវត្ដ ទទួលទទួលយកធ្វេីបុណ្យតាមទំនៀមទំលាប់សាសនា។ រីឯវត្ថុតាងយកមករក្សាទុកបណ្ដោះ អាសន្ននៅអធិការដ្ឋាននគរបាលស្រុកសំរោងទង រង់ចាំចំណាត់ការតាមនីតិវិធីច្បាប់៕
