(ខេត្តព្រះសីហនុ)៖ មនុស្សចំនួន០៧នាក់ជាមេខ្លោងបង្កភាពអនាធិបតេយ្យ ញុះញុងឱ្យប្រជាពលរដ្ឋផ្តិតមេដៃស្នើ សុំកាន់កាប់ដីដោយខុសច្បាប់ លើដីមានកម្មសិទ្ធិរបស់ ក្រុមហ៊ុន ហួរលីត្រេឌីង ស្ថិតនៅក្នុងតំបន់ភូមិ ចំណោទ រាម ឃុំ បិតត្រាំង ស្រុងព្រៃនប់ ខេត្តព្រះសីហនុ ត្រូវបានកងរាជអាវុធហត្ថខេត្តព្រះសីហនុឃាត់ខ្លួន កសាងសំណុំរឿងបញ្ជូន ទៅសាលាដំបូងខេត្តព្រះសីហនុ ចាត់ការតាមនិតីវិធីនៃច្បាប់ កាលពីរសៀល ថ្ងៃទី១៥ ខែមិនា ឆ្នាំ២០១៩ នេះ បន្ទាប់ពី បញ្ចប់ការសួរអស់រយៈពេល ២ថ្ងៃមក ។
ជនជាប់សង្ស័យខាងលើ មាន ឈ្មោះ ទី១- ឈ្មោះ ឯ សំភាស់ ភេទប្រុស អាយុ៣៩ឆ្នាំ ប្រធានសមាគមន៍ រួមគ្នា ដើម្បីអភិវឌ្ឈន៍កម្ពុជា.ទី២-ឈ្មោះ ង៉ែត សំណាង ភេទប្រុស អាយុ៤០ឆ្នាំ សមាជិកសហគមន៍,ទី៣-ឈ្មោះ កែវ ឈន ភេទប្រុស អាយុ៤០ឆ្នាំ, ទី៤-ឈ្មោះ ដឹម វឹក ភេទប្រុស អាយុ៣០ ឆ្នាំ, ទី០៥-ឈ្មោះ មី មីនា ភេទប្រុស អាយុ៣០ឆ្នាំ .ទី៦-ឈ្មោះ លឹម វុទ្ធី ភេទប្រុស អាយុ៣៦ឆ្នាំ សមាជិកសហគមន៍, ទី០៧-ឈ្មោះ សុខ រតនា ភេទប្រុស អាយុ៣៦ឆ្នាំ សមាជិកសហគមន៍។
ពាក់ព័ន្ធការចាប់ខ្លូន ជនជាប់សង្ស័យខាងលើ ត្រូវបានមន្ត្រីកងរាជអាវុធហត្ថខេត្តព្រះសីហនុ បានបញ្ជាក់ ប្រាប់ឱ្យដឹងថា ក្រុមជនសង្ស័យខាងលើ នៅព្រឹកថ្ងៃទី ១៣ ខែមិនា ឆ្នាំ២០១៩ កន្លងទៅនេះ ពួកគេ បាន ធ្វើការកៀងគរ ប្រជាពលរដ្ឋ រាប់រយនាក់ ឱ្យនាំគ្នាទៅចាប់យកដី មានកម្មសិទ្ធិស្របច្បាប់របស់ក្រុម ហ៊ុន ហួរលីត្រេឌីង ដែលស្ថិត នៅក្នុងភូមិចំណោទរាម ស្រុកព្រៃនប់ ដោយប្រាប់ប្រជាពលរដ្ឋថា ពួកគេជាសមាគមន៍ រួមគ្នាដើម្បីអភិវឌ្ឈន៍កម្ពុជា ជួយដល់ជនក្រីក្រ គ្មានទីជម្រករស់នៅ ព្រមទាំងបានបញ្ជាក់ថា ដីនេះជាដីទំនេរ របស់រដ្ឋ ដែលសហគមន៍រួមគ្នាដើម្បីអភិវឌ្ឈន៍កម្ពុជារបស់ខ្លូន បានធ្វើការស្នើសុំ ពីរាជរដ្ឋាភិបាលរូចហើយ ដូច្នេះដើម្បីឱ្យមានភាព ស្រប ច្បាប់ និងទទូលបានប័ណ្ណកម្មសិទ្ធិ សូមនាំគ្នាផ្តិតមេដៃ លើពាក្យស្នើសុំកាន់កាប់ដីនេះឱ្យបានគ្រប់ៗគ្នា មកពួកគេនិងរត់ការឱ្យ ។
មន្ត្រីកងរាជអាវុធបានបញ្ជាក់ទៀតថា ក្រុមជនសង្ស័យខាងលើ ក្រោយពីប្រជាលរដ្ឋ ធ្វើការផ្តិមេដៃ រូច ពួកក៏បានតម្រូវ ឱ្យប្រជាពលរដ្ឋ ក្នុងមួយគ្រូសារ បង់លុយ ចំនួន៣៥០ ដុល្លារ ដើម្បីធ្វើការចំណាយ លើថ្លៃរត់ការ ហើយត្រូវបង់ ចំនួន៣៥០ បន្ថែមទៀត ក្រោយពេលទទូលបានកម្មសិទ្ធិស្របច្បាប់ ពោលគឺ ក្នុងប្រជាពលរដ្ឋ មួយគ្រូសារត្រូវចំណាយឱ្យពួកគេចំនួនសរុប ៧០០ដុល្លារ។ ដោយឡែកសម្រាប់ ក្រុមហ៊ុនហួរលីត្រេឌីង ដែលជាដី មានកម្មសិទ្ធិស្របច្បាប់ ក្រោយពីរទទូលបានព័ត៌មានថា មានសហគមន៍ រួមគ្នាដើម្បីអភិវឌ្ឈន៍កម្ពុជា នាំប្រជាពលរដ្ឋ ទៅចាប់ដី យ៉ាងអនាធិបតេយ្យបែបនេះ ក៏បានដាក់ពាក្យបណ្តឹង ទៅកងរាជអាវុធហត្ថ ខេត្តព្រះ សីហនុដើម្បីជួបអន្តរាគមន៍មានវិធានការតាមផ្លូវច្បាប់ ។
មន្ត្រីកងរាជអវុធហត្ថក្រោយទទូលពាក្យបណ្តឹងភ្លាម និងដោយមានការឯកភាពពីលោកសៀង សុខ ព្រះរាជអាជ្ញាអមសាលាដំបូងខេត្តផងដែរនោះ កម្លាំងមន្ទីរ ជំនាញក៏បានចុះទៅដល់កន្លែង កើត ភ្លាមៗផងដែរ នឹងធ្វើការចាប់ឃាត់ខ្លូនមនុស្សពាក់ព័ន្ធពាន់ចំនួន០៧ នាក់ ក្នុងពេលនោះតែម្តង។ ដោយក្នុងនោះ មានម្នាក់ជាប្រធាន សហគមន៍រួមគ្នាដើម្បីអភិវឌ្ឈន៍កម្ពុជា នឹងមួយចំនួនជាសមាជិក ។ ក្រុមជាប់សង្ស័យ ខាងលើ នៅចំពោះ មុខ នាក់សាព័ត៌មាន ពួកគេនិយាយបែបឡូយថា វាមិនយុត្តិធម៌សោះ ដីរបស់ក្រុមហ៊ុន ក៏ដូចក្រុមឧកញ៉ាក្នុងម្នាក់ៗមានរាប់រយ រាប់ពានហិកតា គ្រាន់តែពួកគេ យកដីជាង១០ហិកតា សំរាប់ចែកឱ្យប្រជាពលរដ្ឋ ក្រីក្រសម្រាប់សាងសង់ផ្ទះរស់នៅវាមានខាតអីប៉ុន្មាន។
សូមបញ្ជាក់ផងដែរថា នៅក្នុងរយៈពេលប៉ុន្មាន ថ្ងៃចុងក្រោយនេះ សកម្មភាពអនាធិបតេយ្យ រំលោភ បំពាន ចាប់យកដីធ្លីទំនេរ ជាដីក្មសិទ្ធិឯកជន ក៏ជាដីព្រៃឈើ របស់រដ្ឋ បានកើតឡើង យ៉ាងស្រូចស្រាវ ក្នុងតំបន់មួយចំនួននៅក្នុង ខេត្តព្រះសីហនុ ដូចជាតំបន់ ភួមិចំណោទរាម ឃុំបិតត្រាំង .តំបន់ពយម៉ាចូវ ភូមិគគី ឃុំបិតត្រាំង តំបន់តាលៈ ឃុំរាម និងតំបន់កែវផុស ស្រុកស្ទឹងហាវ ។ ក្រុមជនអានធិបតេយ្យ បើតាមកាសង្កេត ពួកគេហាក់មានភាពក្លាហាន ខ្លាំងណាស់ និងមិនខ្វល់ពីរឿងច្បាប់អ្វីនោះទេ គឺឱ្យតែ ឃើញដីទំនេរ ពួកគេចូល បោះបង្គោល ធ្វើរបង សាងសង់ ផ្ទះ រំលោភយក ឆៅៗតែម្តង និងមិនខ្លាច ម្ចាស់ដីស្របច្បាប់ ឬមន្ត្រីអាជ្ញាធរ ពាក់ព័ន្ធនោះឡើយ។
ហើយ ប្រជពលរដ្ឋ ដែលពាក់ព័ន្ធសកម្មភាពមិនស្របច្បាប់ទាំងនោះ មានចំនួនធំ មិនមែនជាប្រជាពលរដ្ឋ ក្នុងខេត្ត ព្រះសីហនុនោះទេ គឺមកពីគ្រប់ខេត្តក្រុង ដូចជាកំពង់ចាម .កំពត .ព្រៃវែង .រតនៈគីរី .បន្ទាយមាន ជ័យ .សៀម រាប .តាកែវ .កណ្តាល ជាដើម ។ ដោយពូកគេមានមេខ្លោងខិលខូច ញុះញុង និងជំរុញថា បើប្រជាពលរដ្ឋ ក្រីក្រ ខ្វះដីរស់នៅ នាំគ្នាមកចាប់យកទៅ ព្រោះវាជាដីរដ្ឋ ហើយមុនក្រោយ គង់តែរដ្ឋចែកឱ្យទេ គឺសំខាន់ពេលនេះ ចាប់យកឱ្យបាន និងនាំគ្នាធ្វើការតវ៉ា ឱ្យខ្លាំងខ្លានោះនឹងបានសម្រេចហើយ វាមិនពិបាកទេ ហើយរដ្ឋក៏មិន ហ៊ានធ្វើបាបប្រជាពលរដ្ឋ ខ្លូន ឯងនោះដែរ ។
ពាក់ព័ន្ធនឹងករណីនេះ លោក យន្ត មីន អភិបាលនៃគណៈអភិបាល ខេត្តព្រះសីហនុ បាន ប្រកាន់ជំហរដាច់ខាង មិនលើលែង ជនទាំង ឡាយណា ដែលប្រព្រឹត្តខុសច្បាប់នោះឡើយ ហើយបញ្ហាខាងលើនេះ កំពុងមានវិធានការហើយ ដោយជំហានដំបូងរដ្ឋបាលខេត្ត បានឱ្យមន្ត្រីអាជ្ញាអរមួលដា្ឋន និងមន្ត្រី ជំនាញ់ពាក់ព័ន្ធចុះទៅធ្វើការពន្យល់ ណែនាំ ដល់ប្រជាពលរដ្ឋដែលបំពានច្បាប់ ឱ្យបានយល់ដឹង ពីច្បាប់ និងទោស ទណ្ឌ ដែលពួកគេ កំពុងប្រព្រឹត្ត គឺត្រូវតែបញ្ឈប់ជាបន្ទាន់នូវសកម្មភាពបែបអនាធិបតេយ្យនេះ ដើម្បីជៀសវាងប្រឈមចំពោះមុខច្បាប់ ក្នុងករណី មិនព្រមអនុវត្ត តាមរដ្ឋបាលខេត្ត ហើយរដ្ឋបាលខេត្តមិនយោគយល់ឡើយ៕
