ខេត្តព្រះសីហនុ៖ ស្ថានីយ៍បូមទឹកសំអុយ ចំនួន០៤ ទីតាំងគ្រោងនឹងបញ្ចប់នៅមុនរដូវចូលឆ្នាំថ្មីប្រពៃណីជាតិខាងមុខនេះ បន្ទាប់ពីការដ្ឋានទាំងបួននេះ ត្រូវបានចាប់ផ្តើមសាងសង់អស់រយះពេលជាង០៣ខែកន្លងមក នេះបើយោងតាមការបញ្ចាក់ពីលោក អ៊ី សុខឡេង អភិបាលក្រុងព្រះសីហនុ ថ្លែងបញ្ជាក់ប្រាប់ការបណ្តាញសារព័ត៏មាននាព្រឹកថ្ងៃទី២២ខែមករានេះ។
ថ្លែងក្នុងកិច្ចសម្ភាសន៏ជាមួយបណ្តាញសារព័ត៏មាន នាព្រឹកថ្ងៃទី២២ខែមករានេះក្នុងឪកាសចុះពិនិត្យស្ថានីយ៏បូមទឹកសំអុយ លោក អ៊ី សុខឡេង អភិបាលក្រុងព្រះសីហនុ បានបញ្ជាក់អះអាងយ៉ាងច្បាស់ថា ចំពោះបាតុភាពបញ្ហាទឹកកង្វក់ហូចូលសមុទ្រ វាពិតជាបានហូរចាក់ចូលសមុទ្រយា់ងពិតប្រាកដ ហើយទឹកកង្វក់ទាំងនេះ វាពិតជាបានបំផ្លាញនូវធនធានធម្មជាតិ ទាំងលើផ្ទៃទឹក និង ក្រោមផ្ទៃទឹក យ៉ាងធ្ងន់ធ្ងរ ប៉ុន្តែសម្រាប់រដ្ឋបាលក្រុង រដ្ឋបាលខេត្ត ក៏ដូចជារាជរដ្ឋាភិបាលកំពុងគិតគូរយ៉ាងខ្លាំង លើបញ្ហាទាំងនេះ ជាក់ស្តែងជាបញ្ហាចំពោះមុខរាជរដ្ឋាភិបាល ដែលមានក្រសួងពាក់ព័ន្ឋចំនួន០៤រួមមាន លោក ជា សុផារ៉ា លោក ថោង ខុន លោក សាយ សំអាល លោក ស៊ុន ចាន់ថុន រួមជាមួយ លោក យន្ត មីន អភិបាលខេត្តព្រះសីហនុ បានបើកកិច្ចប្រជុំស្វះស្វែងរកដំណោះស្រាយ សិក្សាស្រាវជ្រាវ និង បានសម្រេចកសាងស្ថានីយ៏បូមទឹកសំអុយ ចំនួន០៤ទីតាំង ដើម្បីបូមបន្តទៅកាន់ស្ថានីយ៏ធំ ដែលមានទំហ៊ំជាង១៦ហិចតា ដែលអាចចំរោះក្នុងមួយថ្ងៃជា២ម៉ឺនម៉ែត្រគូប។លោក អភិបាល ក៏បានបញ្ជាក់បន្ថែមដោយ ស្នើស៊ុំការយោគយល់អំពីសំណាក់បងប្អូនប្រជាពលរដ្ឋ ព្រោះការធ្វើអ្វីមួយ វាទាមទាការសិក្សាស្រាវជ្រាវជាមុនសិន មុននឹងចាប់ផ្តើមសាងសង់ ហើយការសាងសង់នេះទៀតសោធ ក៏វាទាមទាពេលវេលាផងដែរ វាពុំអាចធ្វើទៅបានដូចការជុបនោះទេដូចនេះក្នុងនាមរដ្ឋបាលក្រុង រដ្ឋបាលខេត្ត មានតែការស្នើស៊ុំការយោគយល់អំពីបងប្អូនប្រជាពលរដ្ឋនោះទេ។ដោយឡែកចំពោះថវិការក្នុងសាងសង់ស្ថានីយ៏ទាំងបួននេះ រួមមានមួយចំនួនជាថវិការរបស់រាជរដ្ឋាភិបាល រួមជាមួយសប្បុរស់ជនមួយទៀតរួមមាន លោក ឧកញ្ញ៉ា លី យ៉ុង ផាត់លោក ឧកញ្ញ៉ា កុក អាន លោក ឧកញ្ញ៉ា អ៊ូ ឆាយ និង ក្រុមពាណិជ្ជករជនជាតិចិនផងដែរ។
សូមបញ្ចាក់ផងដែរថា នាពេលកន្លងមក ចំពោះបញ្ហាទឹកសំអុយហូចូលទៅក្នុងសមុទ្រនេះ ក៏ត្រូវបានបណ្តាញសារព័ត៏មានមួយចំនួន និងលោក ហេង ឡុង ក្នុងនាមលោកជាប្រធានស្ថាប័នមួយរូបបានប្រើពាក្យសំដីវាយប្រហារ រដ្ឋមន្ត្រីទាំងបួនក្រសួង និងអភិបាលខេត្តត្រូវបានតែងតាំងដោយព្រះរាជក្រិត្យដោយចោទថា លោកមានដឹងថាតើក្រសួងទាំង៤ និងរដ្ឋបាលខេត្តពុំបានគិតគួរលើបញ្ហាទាំងនេះ ៕
