ទោះបីជាអ្នកមិនបានជក់នារីក៏ដោយ ប៉ុន្តែ បើអ្នកហិតផ្សែងបារីច្រើននោះអ្នកនឹងប្រឈមមុខ នឹងមហារីកសួតខ្ពស់ដូចជាបុគ្គលដែលជក់ អាចនឹងខ្ពស់ជាងទៀតផង។ ដូចនេះ អ្នកមិនគួរនៅជិតមនុស្សដែលជក់បារីឡើយ ទើបមិនស្រូបផ្សែងចូលច្រើន។
នៅពេលដែលអ្នកហិតផ្សែងបារីច្រើន ខួរក្បាលអ្នកនឹងចុះខ្សោយ ដោយអាចបំផ្លាញការចងចាំ អ្នកយ៉ាងងាយ។ ជាពិសេស កូនក្មេងតែម្តង បើហិតច្រើន នឹងអាចធ្វើឱ្យខួរក្បាលគេលូតលាស់ ខ្សោយបាន។ ដូចនេះ អ្នកមិនគួរនាំ កូនទៅកន្លែងដែលមានផ្សែងបារី ច្រើននោះទេ។
កូនក្មេងនឹងអាចកើតជំងឺហឺត ពេលដែលហិតត្រូវផ្សែងបារីច្រើន។ ជាពិសេសក៏អាចប៉ះពាល់ដល់ត្រចៀកផងដែរ។
អ្នកដែលមិនជក់បារីក៏អាចប្រឈម មុខនឹងជំងឺបេះដូងដែរនៅពេលដែលហិតត្រូវផ្សែងបារីច្រើន។ ដូចនេះ អ្នក គួរតែចៀសពីកន្លែងដែលមានផ្សែងបារី ច្រើន ទើបមិនធ្វើឱ្យប៉ះពាល់ដល់ សុខភាពអ្នក។
ប្រសិនជាមិនចង់ឱ្យស្ត្រីមានផ្ទៃពោះ និងកូនក្នុងផ្ទៃជួបគ្រោះថ្នាក់ អ្នកម្តាយគួរតែចៀសពីកន្លែង ដែលមានផ្សែងបារី ទើបអាចការពារសុវត្ថិភាពអ្នកទាំងពីរបាន ៕ ប្រភព៖ health.com.kh
