ខេត្តកំពង់ឆ្នាំង៖ សំរាមរាប់តោនបានចោលពាសវាលពាសកាលនៅតាមសួនច្បារដើមពោធិនៅកណ្តាលទីក្រុងកំពង់ឆ្នាំង ក្រោយពីប្រជាពលរដ្ឋរាប់ម៉ឺននាក់បានមកចូលរួមអបអរសាទរ អង្គុយលេងកំសាន្តតាមសួនច្បារ នាយប់ថ្ងៃទី៣១ ខែធ្នូ ឆ្នាំ២០១៨ ក្នុងពេលឆ្លងឆ្នាំសកលឈានចូលឆ្នាំ២០១៩ ។
មន្ត្រីមន្ទីរព័ត៌មានខេត្តកំពង់ឆ្នាំងបានឱ្យដឹងថា៖ នៅយប់ថ្ងៃទី 31 ខែធ្នូឆ្នាំ 2018 ជាថ្ងៃឆ្លងឆ្នាំសកលឈានចូលឆ្នាំ 2019 មានប្រជាពលរដ្ឋមកពីគ្រប់មូលដ្ឋាននៅក្នុងខេត្តកំពង់ឆ្នាំងប្រមាណជាង 2 ម៉ឺននាក់មកចូលរួមអបអរសាទរដោយបានជួបជុំមិត្តភក្ក័ បងប្អូនក្រុមគ្រួសារ អង្គុយលេង បាញ់កាំជ្រូច និងហូបចុកលេងកំសាន្ត នៅតាមសួនច្បារនានាក្នុងក្រុងកំពង់ឆ្នាំង ។
ប៉ុន្តែអ្វីនឹកស្មានមិនដល់នោះក្រោយពីពីពិធីឆ្លងឆ្នាំចប់ នៅព្រឹកថ្ងៃទី០១ ខែមករា ឆ្នាំ២០១៩ នៅតាមសួនច្បារកណ្ដាលទីក្រុងកំពង់ឆ្នាំង គេឃើញមានសំរាមចោលពាសវាលពាសកាលរាប់តោនពេញសួនច្បារ ដែលធ្វើឲ្យអាជ្ញាធរក្រុងកំពង់ឆ្នាំងឈឺក្បាលយ៉ាងខ្លាំង ។ ទន្ទឹមនេះដែរគេក៏សង្កេតឃើញមានកម្មករបោសសំរាម ងបាននាំគ្នាបោសប្រមូលសំរាមតាមសួនច្បារយ៉ាងញាប់ជើងញាប់ដៃ ដើម្បីសំអាតបរិស្ថាន លើកសោភ័ណភាពក្រុងកំពង់ឆ្នាំងឡើងវិញ ។
នៅព្រឹកនេះដែរ លោក យិន សាវ៉េន អភិបាលអភិបាលក្រុងកំពង់ឆ្នាំងបាននិយាយថា៖ លោកពិតជាឈឺក្បាលខ្លាំងណាស់រឿងសំរាមដែលប្រជាពលរដ្ឋយើងខ្វអការយល់ដឹងបែបនេះ ខណៈដែលលោកឃើញសំរាមចោលពាសវាលពាសកាលពេញសួនច្បារបែបនេះ ដែលអាចបញ្ជាក់បានថាប្រជាពលរដ្ឋនៅក្នុងខេត្តក្រុងកំពង់ឆ្នាំងមិនទាន់ការមិនទាន់មានការយល់ដឹងខ្ពស់អំពីបញ្ហាសំរាមនៅឡើយ។ ដោយឡែកមានតែប្រជាពលរដ្ឋមួយចំនួនតូចប៉ុណ្ណោះដែលបានប្រមូលសំរាមច្រកថង់ដាក់តាមគល់ឈើ និងដាក់តាមធង់សំរាម ដើម្បីអោយអ្នកប្រមូលសំរាមងាយស្រួលឲ្យអ្នកប្រមូលសំរាមដឹកយកទៅបោះចោល ។
លោកអភិបាលក្រុងកំពង់ឆ្នាំង ក៏សូមអំពាវនាវផងដែរដល់ប្រជាពលរដ្ឋទាំងអស់ដែលមកលេងកំសាន្តនៅតាមសួនច្បារក្នុងក្រុងកំពង់ឆ្នាំង មេត្តាចូលរួមធ្វើអនាម័យការពារបរិស្ថានតាមសួនច្បារដោយសូមកុំចោលសំរាមពាសវាលពាសកាល គឺប់ធុងដាក់សំរាមពេញហើយនោះ សូមច្រកសំរាបដាក់ក្នុងថង់ទុកនៅតាមធុងសំរាម ដើម្បីអោយក្រុមហ៊ុនអនាម័យក្រុងងាយស្រួលប្រមូលសំរាមដឹកយកទៅបោះចោ លអោយបានទាន់ពេលវេលា ។ ដោយបងប្អូនប្រជាពលរដ្ឋយើងត្រូវយល់ថា៖ បើផ្ទះយើងស្អាត រម ណីយដ្ឋានយើងស្អាត សួនច្បារយើងស្អាត និងទីក្រុងយើងស្អាត នោះភ្ញៀវទេសចរណ៍នឹងមកលេងកំសាន្ត ច្រើន នោះអ្នកលក់ដូរនឹងលក់ដាច់បានច្រើន ហើយជីវភាពប្រជាពលរដ្ឋយើងគ្រប់ៗក៏បានធូរធាផងដែរ ហើយកត្តិយសក្នុងដឹកនាំអាច្ញាធរក្រុង និងខេត្តក៏បានល្អប្រសើរតាមហ្នឹងដែរ ៕ រឹទ្ធិ ជ័យ
