(ខេត្តសៀមរាប)៖ សិស្ស​វិទ្យាល័យ​ម្នាក់ បាន​ត្រូវ​រថយន្ត​មិន​ស្គាល់​ម៉ាក បុក​ម៉ូតូ បណ្ដាលឱ្យ​ស្លាប់ នៅ​កន្លែងកើតហេតុ ចំណែក​រថយន្ត​បង្កហេតុ​បានបើក​រត់គេច​បាត់ ។ ករណីគ្រោះថ្នាក់​ចរាចរណ៍​នេះ បានកើត​ឡើង នៅវេលា​ម៉ោង ១១​ និង ២០​នាទី យប់​ថ្ងៃទី​២៦ ខែឧសភា ឆ្នាំ​២០២២ នៅត្រង់ចំណុច ខាងត្បូង​មន្ទីរ ពេទ្យ​នាគ​ទេព ប្រមាណ ២០០ ម៉ែត្រ ស្ថិតនៅ​ភូមិ​ត្រពាំង​ត្រែង សង្កាត់ សាលា​កំរើក ក្រុង​សៀមរាប ។​

​ជនរងគ្រោះ មានឈ្មោះ សុខ សុវណ្ណ​បញ្ញា ភេទ​ប្រុស អាយុ ១៨ ឆ្នាំ ជា​សិស្សសាលា វិទ្យាល័យ​អង្គរ ក្រុង​សៀមរាប ថ្នាក់​ទី​១២ និង​មាន​លំនៅ នៅ​ភូមិ​ខ្នារ សង្កាត់​ជ្រាវ ក្រុង​សៀមរាប ខេត្តសៀមរាប ដោយ​ជនរងគ្រោះ បើក​ម៉ូតូ​ម៉ាក ហុងដា MSX ពណ៌​ត្រួយ​ចេក ពពាក់ស្លាកលេខ សៀមរាប 1AC 5170 ទិសដៅ​ពី​ខាងកើត ទៅ​លិច ហើយ​ត្រូវបាន​រថយន្ត មិន​ស្គាល់​ម៉ាក បុក​ម៉ូតូ បណ្ដាលឱ្យ​យុវ​សិស្ស​ម្នាក់​នោះ បាន​ស្លាប់​នៅ​កន្លែង។

ចំណែក​រថយន្ត​មិន​ស្គាល់​អត្តសញ្ញាណ បាន​បើក​រត់គេច ពី​កន្លែងកើតហេតុ​បាត់​៕