• លោក ព្រំ សាន ត្រូវបានក្រសួងព័ត៌មានចាត់ទុកថា៖ ផ្សព្វផ្សាយព័ត៌មានបំភ្លៃការពិត បានដកអាជ្ញាប័ណ្ណអាជីវកម្មព័ត៌មាន និងបញ្ចប់តំណែងជាទីប្រឹក្សាក្រសួងព័ត៌មាន ឋានៈស្មើអនុរដ្ឋលេខាធិការ
    ដោយ admin  ថ្ងៃទី 13 March, 2021  ម៉ោង 17:15 | សន្តិសុខ​សង្គម

    (ភ្នំពេញ)៖ កាលពីថ្ងៃទី១២ ខែមីនា ឆ្នាំ២០២១ រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ក៏បានសម្រេចលុបអាជ្ញាបណ្ណគេហទំព័ររបស់ លោក ព្រំ សាន ឈ្មោះ www.sanprum.news.com និងសមាគមអ្នកសារព័ត៌មានហ្វេសប៊ុកកម្ពុជា ។ ការសម្រេចលុបចោលនេះ ក៏ដោយសារក្រសួងព័ត៌មានបានចាត់ទុកថា គេហទំព័រនេះ បានផ្សព្វផ្សាយព័ត៌មានបំភ្លៃការពិត បង្កភាពច្របូកច្របល់ និងចលាចលនៅក្នុងសង្គម ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាអាជីវកម្មដែលសាមីខ្លួនបានតម្កល់ទុកនៅក្រសួងព័ត៌មាន»។

    ហើយនៅថ្ងៃទូ១៣ ខែមិនា ឆ្នាំ ២០២១នេះដែរ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី បានចេញព្រះរាជក្រឹត្យមួយបញ្ចប់តំណែង ទីប្រឹក្សាក្រសួងព័ត៌មាន ឋានៈស្មើអនុរដ្ឋលេខាធិការរបស់លោក ព្រំ សាន ។ នេះបើតាមព្រះរាជក្រឹត្យ បញ្ចប់មុខតំណែង ឯកឧត្តម ព្រំ សាន ពីទីប្រឹក្សាក្រសួងព័ត៌មាន មានឋានៈស្មើ អនុរដ្ឋលេខាធិការ មុននេះបន្តិច៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares