• ចំនួនអ្នកឆ្លងកូវីដ-១៩ លើផែនដីកើនលើស ៦២.៦លាននាក់, ស្លាប់ជាង ១.៤៦លាននាក់, ជាសះស្បើយជាង ៤៣.២លាននាក់, ១៩៧ប្រទេស-ដែនដីមានអ្នកឆ្លងចាប់ពី ១០០ករណីឡើងទៅ
    ដោយ admin  ថ្ងៃទី 29 November, 2020  ម៉ោង 10:57 | សន្តិសុខ​សង្គម, អន្តរជាតិ

    (បរទេស)៖ គិតត្រឹមម៉ោង ៦ និង៣០នាទីល្ងាច ថ្ងៃអាទិត្យ ទី២៩ ខែវិច្ឆិកា ឆ្នាំ២០២០នេះ COVID-19 ដែលត្រូវបានអង្គការសុខភាពពិភពលោក WHO ប្រកាសចាត់ទុកជា «ជំងឺរាតត្បាតជាសកល» បានវាយលុកចូលដល់ប្រទេស និងដែនដីសរុបចំនួន ២១៥ ហើយនៅទូទាំងសកលលោក ពោលវាបានរីកសាយភាយ ពាសពេញទ្វីបទាំងអស់លើភពផែនដី លើកលែងតែទ្វីបទឹកកកអង់តាក់ទិកមួយប៉ុណ្ណោះ។

    បើយោងតាមទិន្នន័យពីគេហទំព័រអន្តរជាតិ worldmeter បានបង្ហាញថា ជំងឺរាតត្បាតដ៏កាចសាហាវមួយនេះ វាបានចម្លងទៅមនុស្សសរុបចំនួន ៦២,៦៨៦,៣២៦នាក់ ដែលក្នុងនោះអ្នកជំងឺចំនួន ១,៤៦០,៣៨៧នាក់បានស្លាប់បាត់បង់ជីវិត និង ៤៣,២៩៨,០៧២នាក់ផ្សេងទៀត ត្រូវបានព្យាបាលឲ្យជាសះស្បើយឡើងវិញ នៅទូទាំងសកលលោក។

    ទោះជាយ៉ាងណា បណ្តាប្រទេសដែលមានអ្នកឆ្លងចាប់ពី ១០០ករណី គឺមាន ១៩៧ប្រទេស និងដែនដី ដោយក្នុងនោះប្រទេសកម្ពុជាយើងឈរនៅលេខរៀងទី ១៨៨៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares