• ចំនួនអ្នកឆ្លង COVID-19 លើលោកកើនដល់ជាង ៩.៥លាននាក់ ស្លាប់ជាង ៤៨ម៉ឺននាក់ និងជាសះស្បើយជាង ៥លាននាក់!
    ដោយ admin  ថ្ងៃទី 25 June, 2020  ម៉ោង 08:54 | សន្តិសុខ​សង្គម, អន្តរជាតិ

    (អន្តរជាតិ)៖ គិតត្រឹមម៉ោង ៧ព្រឹកថ្ងៃព្រហស្បតិ៍ ទី២៥ ខែមិថុនា ឆ្នាំ២០២០នេះ ចំនួនអ្នកឆ្លងជំងឺ COVID-19 នៅទូទាំងពិភពលោក បានកើនឡើងដល់ ៩,៥១៦,០៧៨នាក់ហើយ។ ក្នុងនោះអ្នកស្លាប់មានចំនួន ៤៨៣,៩០៥នាក់ និងជាសះស្បើយឡើងវិញ ៥,១៦៣,២៥៨នាក់។

    យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ១៩ នៅតែមានសភាពស្រួចស្រាវចំនួនអ្នកឆ្លង និងស្លាប់ថ្មីនៅតែមានចំនួនច្រើន។

    សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ។ សហរដ្ឋអាមេរិក មានអ្នកឆ្លងជំងឺ COVID-19 ចំនួន ២,៤៦២,៧១១នាក់ ស្លាប់ចំនួន ១២៤,២៧៣នាក់ និងជាសះស្បើយចំនួន ១,០៣៤,២៩២នាក់។

    ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសប្រេស៊ីល។ ប្រេស៊ីលមានអ្នកឆ្លង ១,១៩២,៤៧៤ នាក់ ស្លាប់ចំនួន ៥៣,៨៧៤នាក់ និងជាសះស្បើយ ៦៤៩,៩០៨នាក់។

    ប្រទេសឈរនៅចំណាត់ថ្នាក់ទី៣ គឺប្រទេសរុស្ស៉ី។ រុស្ស៉ី មានអ្នកឆ្លង ៦០៦,៨៨១នាក់ ស្លាប់ ៨,៥១៣នាក់ និងជាសះស្បើយ ៣៦៨,៨២២ នាក់៕

    Loading...
    www.tenbestproduct.com | www.10bestproduct.com | www.hqreview.com | www.bestselectedproducts.com
    loading...
    shares